Boxing yzie pahnopasia hatuhpa McGregor â reisi kaw bâ!

Boxing he pakah ta reipa hlâta kutô ta pasiapanôpa chi a châ, tahpa liahsa a pahnopasia tawhta Conor McGregor chata Round 10-na liata Floyd Mayweather ta Technical Knockout ta a pahnie tawhta reikah pathliepa ta, professional boxing â chô tua chaipa cha â palaikhei kaw, a ta.

UFC lightweight champion, kô 29-ta uhtheipa McGregor heta kô 40-ta uhtheipa Mayweather he Round 2-na liata ei chô papao aw, tahpa ta âpahôpahâh kaw hrasala, Mayweather ta chyhsa 50 a pahniena châ awpa ta Las Vegas liata vaw pahnie ta, McGregor chata, "Floyd he Boxer pha chaimâhpa na a châ” tahpa ta a hmiachhypa cha reithai ta. "A tyhpahnonazy, a daotheinazy nata a tao hualuanazy ta pahniena a patosa tah leithei va na. Ano kha chyhsa âtupa châ leipa ta Boxer a châ tahpa chho ngâthlâh ha tyh na ta. Ring chhôh eimâ ngia tawhta deikua Boxer dei châ leipa ta atupa chyhsa a icha kawpa a châ tahpa ei pahno ha” tahpa ta Mayweather he reithai ta, "MMA liata âvaw ngia sala a tao thei kaw pyly aw."tahpa ta Mayweather cha UFC lâ â ngia awpa ta a thlyu pazao.