Siaha liata 4th Mizoram State Anti- Tobacco Day hmâpa a châ.

Zâhnia my dawh 11:00 khata Mawrâh su hropazy raohpa ta Siaha-liata chhao DIET Conference Hall, Siaha liata "Tobacco Free Sports-Aomâh a hlao leipa palaona" tahpa biepipa hmâpa ta 4th Mizoram State Anti- Tobacco Day hmâpa a châ.

He Anti -Tobacco Day -2017 programme he Puhpa H.Lalfakzuala,Principal DIET, Siaha District ta chhihthapa ta, Dr.HTC.Lalrinchhana, Judge Fast Track Court chata khichhailaipa châpa ta he daihti he â hmâkhei.

Khichhailaipa Dr.HTC.Lalrinchhana chata ataopasuapa chyhsazy chata ap-ôpazypa tawhta asohsi awpa ta mohropazy pachuna kyh liata hmiasahtuhpa nata hmahlatuhpa ama châ tahpa â thei ngâthlâh ha awpa nata mohropazy amopâtlâh awpa ta ama hroh awpa ângiahnazie reihpa ta, ataopasuana kheihawhpa lia rai pa-ôpazy taona chôta cha hlaotloh hmeiseihpa hmô awpa a rairu kaw, a tah hra.

Aomâh pa-ôpazypa phaleina nano nnanopazy apachuna hleikhôta dâh nata phôhzy apachupa châ ta. Dr.C Hniechho Sr.MO ta aomâhta hri-iah a paraona dâh reihpa ta, Puhpa ZT. Vawra Hmar District Consultant ta power point presentation hmâpa ta pachuna daihti a hnei hra.

Zâhnia ta 4th Mizoram State Anti-Tobacco-2017 hmâna daihti liana heta Sports Discipline nano nanopa liata a hlaopa chyhsazy nata hrua-eihpazy amâ hlao paki kaw.