Gujarat Assembly Atlyhna : Mylâ târi 14 Di 2017-pa ta chhaih nona châta Vote pathla heih aw

Gujarat Assembly atlyhna chhaih nona cha mylâ khita hneipa a châ ha bâ heih aw. Chhaih nona liana heta Seat 182 tawhta Seat 93 yna, Gujarat Maw lâ (North) nata Central Gujarat-zy liata Vote pathlapa châ heih aw ta. Vote he my dawh 8 tawhta zâlâ dawh 5 taihta pathlapa a châ aw. 

Atlyhna chhaih nona liana heta 2 crore 22 lakh ta Vote hnei ei ta, he hryta 1.7 crore zy he chanô châpa ta, Candidate 851 ama y. 

Related

• GUJARAT ASSEMBLY ATLYHNA 2017 : BJP ta sawhkhâna ama tao pazao thei lymâ ma?

Vote zy he Polling Station 25,000 liata pathlapa châ aw ta. Ballot Units 40,000 Ballot Units nata VVPAT 35000 machine hmâpa a châ hra aw. Târi 9 liana khata chhaih khana hneipa châ ha ta. Târi 18 Di 2017 khita atlyhna Result he phuahpa a châ aw