Premier League : Mkhitaryan ta hâkô Manchester United a puasai thlâh ha thei

Manchester United manager Jose Mourinho chata "Player tota mâ ama hnei chyu", a tahpa chata hâkô Nawh thlâpâ liata Old Trafford tawhta Henrikh Mkhitaryan pua awpa a pasia kawpa hawhta reipa a châ.

He Armenian playmaker he târi 5 Phiapi 2017 liata Chelsea ama pahnie leina akhaihna tawhna khata tlyliah liata a hmi hmô khao hra ma pi.

Mkhitaryan he Mourinho ta Player pathôh a lapangiana châ awpa ta Borussia Dortmund tawhta £30m ta lapangia ta. Anodeikua, United nata ama likah a pha tu leipa hawhta reina a y.

Mylâ zâ ta West Brom hmiachhy awpa United Manager  Mourinho chata : "Player eima Club liata a ngiaryh khao leipa ta pua awpa ta ahawna a tao ngâthlâh ha khiahta cha tlâ papua awpa tlâ châ. He he Manager ei châna hawhta ei pachâna a châ."a ta.

Man Utd defender Bailly hra thla thôh chhôh akhaih thei khao leipa ta, Mourinho ta Memphis Depay cha Lyon a pazao awpa ta paryhsa ha ta, Morgan Schneiderlin chhao Everton lâ a pasie awpa ta pasaina a pie ha hra.

Âmo hleikhôna heta Defender Luke Shaw chhao Nawh thlâpâ liata pua thei awpa duasu liata a duah hai ta, Marouane Fellaini contract chhao atahmâ Season liata chhâ ha aw ta; he Belgian Fellaini he United ta athata Old Trafford liata châh chy awpa ta thlyu hra ei sala, atahmâ taihta a hlaotlohna hmô awpa y mâh vei.