Rajya Sabha ryureina liata PM Modi ta Pakistan ta Gujarat Atlyhna liata a chahraoh âchhuah tahpa a reipa chôchâh vâta atymâna a ypa vâta ryurei thei leipa ta House ryurei apakhyna pachhâsapa a châ

Congress MP-zy ta Rajya Sabha ryureina ama patypamâpa vâta House ryureina cha hnei thei lei awpa ta atanoh châta pachhâsapa a châ.

Atanoh tawhta chasipaw atyuhpahmaohna hneipa cha Congress MP-zy ta Prime Minister Narendra Modi cha Prime Minister parohpa Manmohan Singh ta Pakistan sawhkhâ chyhsazy Gujarat Atlyh nota apakyhna a hnei, tahpa abaina chôchâh liata a reihpasia awpa ta ama awsaopa vâta Rajya Sabha ryureina cha pachhâsapa a châ. 

Atanohta Rajya Sabha ryureina apakhyna he ei palih dua chalihsapa châ ta. Zâlâ dawh 2.30-pa liata Anand Sharma, Congress MP ta PM chôchâh a duakhei awpa âchhuah heihpa cha Deputy Chairman Prof. P J Kurien ta pasaih khao leipa ta. He vâna heta Congress MP sahlaozy ta Deputy Speaker atyuhna lâ ahmaohpakhypa ta palopasahpa ama taopa vâta House ryureina he atanoh châta pachhâsa hapa a châ hapa a châ.