EFOM Branch thiehpa Châkhei khih liata paduapa a châ

Chakhei khih EFOM chhihthatuhpazy

Eco Friends Of Maraland Hqrs. New Laty pachhuahpanohpa ta atahmâno he Mararàh su nano nanopa liata Awareness Campaign hnei ngàhaipa a chà. 

Dt 22. 02.2018 liata Chakhei khih liata EFOM Branch thiehpa cha Puhpa S.Vabeichô, Chairman EFOM Hqrs. nata a hrialàhpa zy, Puhpa Vabeichatlai Hlychho, Puhpa K.Pawtha, Puhpa Vabeirasa Hlychho nata Ls. Eldony Solo zy ta Awareness Campaign siepa ta ama kaw padua. Chakhei liana heta EFOM member châta chyhsa 15 ta moh vaw ama vaw pangiapâ ha. Puhpa K.Mosia cha branch President châta atlyhpa a châ.

Eco Friends Of Maraland he kô 2016 June târi noh 27 liana khata Puhpa S.Vabeichô, Health Worker, New Laty hmahlana ta New Laty liata Râhsa, Ràhhmâpa, Thokô-rihko nata Tisa, Ngasa, Cha-ia etc. zy pabohsa khohpa ta phahnai à ngiahpa member 20 rachhôhta ama paduapa chà ta. New Laty Hqrs. he a châ. Atahmâ he Mararâh liata member 200 hlei ypa ta, khih charu  (6) liata branch sàcharu (6) padua hapa a chà.

Ahyrai Râhsa nata Ràhhmâpa, Pazu-pavaw, Thokô rihkô nata Tisa zy pabohsa khoh ta, he hawhpa liata a pahàhpa zy chàta EFOM member he à chà thei lymà na, tahpa Mara zawpi zy eimà pahnosa.