SIAHA LIATA ASTRO TURF PHAW AWPA TA HMAHLA LYMÃ

Siaha District Football Assotiation chata Siaha liata (Meisatlâh) Turf phaw n'awpa cháta hmah ama la pazao lymâ.

Atanoh khata SDFA chhituhpazy nata UD&PA EE, Puhpa Sawma zy chata Siaha liata turf phawna awpa su tlypa ta, turf phawna awpa rakha ama pasiapanô.

VIP gallery sa pãpa châ aw ta, a ry liata Dressing Room nata lyupâ puana hleikhôta DFA office a ypâ hra aw.

Atahmâ ta Field he a chyhta pakawh viapa châ aw ta, a pangaina lâthlôh chhao a chyhta pakawhpa a châ hra aw.

He turf phawtuh awpa company, Great sports Infra zy chhao Siaha liata liahsa y ha bâ ei ta, hâta heihpa liata cha rai a thao hmâ awpa ta pangiasapa a chã.

He turf he Congress Flagship Programme miakha NEDP sôh tawhta sanction-pa a châ. Mawrãh liata cha NEDP sóh hmâpa ta turf phaw tua chaipa a châ aw.

Mara Thyutlia Py (MTP).Gen Hqrs : Siaha chata, he hawhta thyutliapazy cháta hmophapa avaw y awpa he aly tu ha ei ta, SDFA OB zy nata UD&PA EE nata a sahlaozy châta Tourist Lodge, Siaha liata zâ pati amâ chhuahnohpa . MTP ama tao pha kaw...

Source : SDFA Whatsapp Group