APRIL thlâpâ châta - Kyhpachâna lâthlôh liata na HOROSCOPE

Aries : Na châta la Pachawh thlâpâ he kyhpachâna liata nâ pachie hluh chaina daihti na pachâsa awpa â ngiah aw. Na kyhpachâpa nahta khitlyna tlyma daihti pha kawpa hmâ khoh theina daihti ryhpaohpa na hnei thlâh ha thei. Nâ kaolâhpa nahta palôh a hmô kawpa ta nata apahy awpa ta lôhkhoh bie paryh achhuah la. Khopa/vâ-iapa hnei leipazy chhaota atahmâ thlâpâ liana heta cha atyh awpa ta avaw pachyh ma y.

​Taurus : 2018 he na châta cha kô phapa, vâ-iapa nâ tyhna kô châ ta, na pangiasa leipa su liata kyhpachâna nâ huah thlâh ha thei la y. Anodeikua, Pachawh thlâpâ heta hmo thiehpa khâpa tlyma âvaw chhi thei ta, nâma nata na vâ-iapa likah liata hmo thiehpa a tlô thei. Na ku a pachhasa muarua khao leipa la, nama likah a pha lymâ thei n’awpa tan a vâ-iapa/akaolâhpa châta daihti ruapa taopa tyh hra ma y.

​Gemini : Atahmâ thlâpâ heta na hro liata a phana lâta hmo cha vaw tlôkhei aw ta, hro thadâhna khâpa tlyma na hnei aw. Khopa hnei leipazy châta hmiathiehpa atyhna daihti phapa châ aw ta, hmia pahno thiehpa atyhna daihti chhao a châ hra aw. Thaphana ta cha dy aw ta, nâma sasyh nâ ngâna chhao a pôh via rili hra aw.

Cancer : Pachawh thlâpâ heta na châta kyhpachâna dopa a cha vaw tlôkhei lei ngyu thei aw, châhrasala, nâma sasyh châta hmophapa na pahnona thlâpâ a châ aw. Kyhpachâna khizaw liata na chhichâna dopa a pachâpasiana daihti a pie la, nâma sasyh a pahnopasiana chhao na hnei via hra aw. Na hro lâthlôh nâ chhihna lâthlôh liata thadâhna na hnei hra aw.

​Leo : Chyhsa a piedala kawpa na châpa hnaihta, he heta na kyhpachâna lâthlôh nâ chhihna liata a cha bao kaw aw. Thla hmiatuapa khata kyhpachâ hmeiseihpa tlyma khopa hmeiseihpa tlyma hnei hlei leipa ta a cha pa-ysa nota, Pachawh thlâpâ heta la kyhpachâna hmeiseihpa a cha pie awpa alyu kaw.

​Virgo : Su to liata siapakina/phapakina tlua tyh chi ta, khopa tluana kyh liata chhao azaokhina phapakipa na tlua tyh. He hawhta mohropa hro khopathliahpa he na bâsaipa abyuh. Nâ kaolâhpa tawhta nah mo a hnabeiseihpa cha nyu leipa ta palâsa tyh la, nama likah liata hmo a ypazy cha nyu rai rai leipa ta reih tyh ma y. Nâ kaolâhpa nahta nama likah liata hmo anano muaruapa tlô leipa aw ta, nama ziza a pha lymâ chy aw.

​Libra : Chyhsa sydie theina ‘kho-iah’ na hneipa khata chyhsa thiehpa atyhna kyh liata a cha bao thlâh ha thei. Azaokhina hmeiseihpa ahneipazy châta cha atahmâ thlâpâ liana heta ahneina lâchhâh rei papuana a tlô thlâh ha thei. Viasa parohpazy nahta akao heihna daihti phapa châ ta, he heta hmo phapa khâpa tlyma a cha vaw tlôkhei thlâh ha thei la y.

​Scorpio : Nâ kaolâhpa nahta nama likah liata rairuna nano nano tlô thei ta, nama likah ziza a pha thei n’awpa ta athata na vaw tei hapa a châ thei, châhrasala atahmâ thlâpâ heta he zydua liata rairuna he avaw pathlâ aw. Na vâ-iapa/khopa/kaolâhpa nahta palôh lâta a hmô thai viana vaw tlôkhei aw ta, cha chata nama likah a pa-isa via heih aw.

​Sagittarius : Atahmâ thlâpâ heta kyhpachâna lâthlôh nâ chhih haipa liata athata ananona avaw tlôkhei aw. Nâma châta daihti pahryuh thlâhthlina a châ awpa nata buakhei tlâh leipa chyhsazy na mâpha awpa â ngiah thlâh ha thei ta. Nâma sasyh kyh nâ pachâ via awpa a peimawhzie pahnopasia via aw chi ta, khâsawta cha reih leipazy na padaopahlia tyhna tawhtapa kha nâ kua awpa â ngiah.

​Capricorn : Nâ kaolâhpa nahta nama likah liata a ngâ leina a y awpa vâta nama likah chhao a rao pathlei thei aw. Pachawh thlâpâ liana heta la chyhsa thiehpa hryta a pahlao hluh la, na châta hmiathiehpa âvaw luah thlâh ha thei. Na daihti khô hapa liata sasyh a ngâ leina na hneipa zydua kha phie a lei khai ha aw.

​Aquarius : Chyhsa thathyupa nata hmo to a khaihna lâta sai tyhpa châ chi ta. Daihti a sie hapa liata hmo pachâ pasia hlei leipa ta bietluna avaw tao tyhpa na châ hapa chhaota, kha bietluna na vaw tao hapazy kha pakhâta ta duah pachâ pathi heih ma y. Hmo nyupa hnei leipa ta nâma sasyh kha hmodopa a chho la, he heta kyhpachâna lâthlôh nâ chhihna liata athata a cha bao aw. Khopa a hnei leipazy châta deikua atahmâ thlâpâ he hnabeiseihna pasâh n’awpa muarua châ vei.

Pisces : Kyhpachâna dopa tahpa liata na bua kawpa vâta hmo y thai lei awpa, saduthliena khizaw liata na y hai. Nâ kaolâhpa tlaichhai via aw chi ta, nama pano ta daihti chhao nama hmâh hluh via hra aw. Nâ ngiahpa nata nâ hnabeiseihpazy reihpapua awpa chi leipa la, nâ kaolâhpa nahta nama likah cha a pha via lymâ aw.