Article : 'It's my LIFE' tah ei ta a hnôh lâta amâ ngiapachhi tyh!
Chyhsa thokha cha paôpazypa nata paritheipa taopa a pha leizie reipa a châ tita, “It’s my life” tah ei ta, “Keima hrona nata keima pôhpa cha keima khozie hawhta tlâ ei hmâ awpa na a châ, mo hropazy ta keima hro liata a chahraoh thei veih ei chi,” tah ei ta.
Châhrasala pa paôpazypa nata paritheipa ama taopa vâta hri nata iah amâ la tita, sawhkhâ baona, awnanopa baona, sanawh chhôhkha baona, viasa rihchâh baona, opa lyuhri baona nata khih kha râh kha baona amâ ngiah pyly thlâh ha. tyh.
“It’s my life” he tah chakhyh awpa vaw châ hlei vei. Eima hrona he mo hropazy hrona nahta phie â zao ha na tahpa pahno awpa a pha kaw hri.
Chavâta a sohsi ngaita ei suh u.
- REV DR LAIU FACHHAI
