Israel ta Gaza Strip a tlahnaona liata chyhsa 4 thi

AFP

Zãhnia chutyh noh khata Israel chata Palestine nahta amâ râhrina liata ama pheisaih pakha meithei ta kasaopa a châ tawhta daihti rei leipa liata Gaza Strip a tlahnao.

Israeli ta Gaza a tlahnaona liana heta Palestinian chyhsa papalih ama thi, tahpa Gaza official zy ta reih ei ta, he hryta pathôhzy he Hamas mo nata sa ama chã ama tah hra. A thipa hryta papalihna he râhri liata kasaopa a chã tahpa ama phuah hra.

Hamas, Gaza liata biehneina chabatuhpa zy heta, Israel nahta akachaheihna (Ceasefire) ama phuah ha, tahpa phuah ei ta.

Hamas biephuahtuhpa Fawzi Barhoum ta AFP a chhona dãhta, "Egypt nata United Nations hmahlana ta Israel nata Hamas likah liata akachaheihna phuah hapa a chã," a ta.

He hawhta a chã nona heta Israel deikua ta he akachaheihna chôchâh he phuah mãh vei.

Israel ta kheihawhpa su zy a tlahnao?

Israel pheisaih biepuapa chata Hamas pheisaih su 15, Gaza Strip liata nata Khan Yunis liatapa 25 amã nua, tahpa ama phuah.