Mizoram liata Awanopa nanopa ta Missionary 4012 tuah papua
Mizoram Awnano zyta Missionary 4,012 tuah papua. Awnano 8-lia member 10,81,772
Economics &c Statistics department ta tahmâ hlâ atliata liata a papua apa Statistical Abstract, Mizoram 2017 - lia âlâna dâta cha, Awnano nano nano sâcharie liata member 10,81,772 y ei ta, heta na he ta Mawrâh chhôh liata Awnano 8 zy missionary tuah papuana zie cha 4,012 atloh.
Statistical Abstract, Mizoram 2018-ta Awnano nano nanaopa apalâsa pazy cha :-
Presbyterian Awnano, Baptist Church of Mizoram (BCM), Salvation Army, UPC (North East India), UPC (Mizoram), Seventhday Adventist (SDA), Evangelical Church of Maraland (ECM), Roman Catholic zy ama châ. LIKBK nata Isua Krista Kohhran (IKK) zy deikua member zie nata hmo hropa zy palâsa châ vei.
Awnano lai chaipa Presbyterian Awnano member 6,11,241-zy chapaw 3,00,492 nata chanô 3,10,749 châ ei ta ; khichhôh Awnano (local church) 2,038 hnei ta, Pastor/Pro Pastor 603 nata Office rai hriapa 909 y ei ta, Missionary 1,667 ama tuah papua. Awnano Machâ 5,607 ama y.
Ananwo lai chaipa pazi pa, BCM-ta member 1,72,254 hnei ta, chapaw 85,988 nata chanô 86,266 châ ei ta, khichhôh Awnano 677 ama hnei Pastor/Pro Pastor 139 hnei ei ta, Office rai hriapa 79 ama hnei. Missionary 1,289 ama tuah papua. Awnano Machâ 3,082 ama hnei. UPC (NEI) - lia member 1,02,119 y pata chapaw 50,130 nata chanô 51,989 châ ei ta, ; khichhôh Awnano 792 hnei pata, Pastor 179 ama hnei. Awnano Machâ 5,064 nata missionary 186 ama hnei.
Salvation Army lia khichhôh Awnano 405 - lia member 60,528 y ei ta, chapaw 30,128 nata chanô 30,397 ama châ. Officer 287 hnei pata, Awnano Machâ 918 nata Missionary 308 ama hnei. Mizoram UPC-lia khichhôh Awnano 536 y ta, member 53,875 y pa ta chapaw 27,456 nata chanô 26,419 ama châ. Missionary 141 nata Machâ 1,956 ama hnei
ECM-lia khichhôh Awnano (local church) 91 nata member 43,381 y ei ta, Pastor/Pro Pastor 61 nata Machâ 890 ama hnei. Missionary 303 ama hnei ; Roman Catholic-lia Khichhôh Awnano 159 nata member 22,649 y ei ta, ; Seventhday Adventist-lia khichhôh Awnano 405 nata member 15,728 y ei ta Pastor/Pro Pastor 54 y pata, Missionary 118 ama y hra.
Mawrâh liata Awnano lai viapa 8 zyta missionary ama tuah papua na zie cha 4,012 tloh ta, he missionary hry liata 1,708 he cha chanô châ ei ta, mo hropa 2,304 zy he chapaw ama châ.
Econimics & Statistis Dept-ta Statistical Handbook 2016 a papua hapa liata cha Presbyterian Awnano liata members 5,98,785 ama y. Takô Statistical Abstract papua lia deikua member 6,11,241 ama tloh ha. Kô 1 chhôhta amâ pôh-na he 12,456 a châ. Statistical Handbook 2016 lia lilaw pyly heta BCM-ta members 1,67,815 hnei ta, Statistical Abstract 2017 lia deikua member 1,72,254 ama y ha. Amâ pôh-na he 4,439 a châ. UPC (NEI) lia kô 2016 khata member 1,00,063 tahpa Statistical Handbook 2016 lia palâsa a châ nota, Statistical Handbook 2017 lia tacha member 1,02,119 ama y. Amâ pôh-na cha 2,056 atloh.
Salvation Army lia member 56,680 ama y tahpa Statistical Handbook 2016 lia palâsa châ ta, tahmâ atliata liata papua pa Statistical Abstract 2017 liata cha member 60,252 ama y. Amâ pôh-na cha 3,845 a châ. UPC (Mz) lia member 51,804 ama tahpa Statistical Handbook 2016 lia palâsa châ ta, Statistical Abstract 2017 lia member 53,875 ama y, amâ pôh-na cha 2,071 atloh.
(Source - Zawlbuk)
