Premier League : Man United 0 - 3 Tottenham Hotspur

28 August 2018 : Tottenham Hotspur chata pahnieleipa hnei leipa ta Premier League season thiehpa ama pathaopa pazao lymâ chypa ta, Manchester United cha Old Trafford liata 3 - 0 ta pahniepa ta, United manager Jose Mourinho duasu ama pabohsa lei via ha heih.

Mourinho heta Brighton tlyliah liata pahniepa ta ama y tawhna khata, United heta thapi phiapa ta Tottenham he cha ama hmiachhy bâ awpa hawhta â hnabeiseih taraw ta, châhrasala Spurs heta Harry Kane nata Lucas Moura zy ta 2nd half ama pathao tawhta goal kha rairie ama za khôpa cha, Old Trafford tlylia ziazi a roh thlâh haw.

United heta Romelu Lukaku hmâpa ta daihti ryhpaohpa hnei taraw ei ta. Lukaku heta Spurs kaovaihtuhpa Hugo Lloris cha Danny Rose taochheipa tawhta ball a lapa hmâpa ta za dôvei ha taraw ta, châhrasala, ama vâdua zâ a châ ha tawhta tly cha, khô thei leipa ta; 3 - 0 ta pahniepa ta ama y hapa a châ.

Spurs heta United he ama pahnie kaw tah thei awpa châ ta. Kane ta minute 50-khô tawhta Old Trafford liata a goal hmiatua chaipa khô ta; Moura ta Christian Eriksen tawhta ball a hmôpa a za khô heih hra.

Daihti chhâ n'awpa ta Minute 6 a y bâ aw, tahpa liata Moura ta Spurs goal 3-na za khô heihpa ta, Point 3 hlaopapuapa ta, Season thiehpa pathaona liata ama tlô lymâ chy.

Mourinho hmiacho vâna tah thlâh ha ta. Old Trafford tlyliah liata zawpi atyuna rua hluh kaw ta. Mourinho he Premier League pathaopa a châ tawhta akhaihna ei thôh liata ei no tlô khao vei.

Point Duasu (Top 5) :