ABEIPA NOH SERMON : Khizaw ta ZISU a peimawh - By Rev.NC Vabeilua

Rev.NC Vabeilua

Khazohpa ta khizaw ataopa cha moh chanei ta 'pha' tah kaw hra sala, Khazohpa bie ama uasa leipa vata nata Khazohpa bie hlâta Parih(Sata) bie ama zyh via hapa vata khizaw nata a chhôh liata hmotaopa zydua chô liata raona a tlô.

Atahma eima pachâ awpa cha : Khazohpa nata chyhsa likawh achhaihna atlô tawhta khizaw lia chyhsapa duasu he eima laichadai tua aw.

1. Chyhsa palôh cha china ta abie(Athaona : 3: 10) Pawtlohpa ta a chipa vata a nyupa nga khiah a chi hmeiseih tahna a cha. Ada dei cha vei, atanoh chyhsa to paloh liata khapa china tlyma a y khai. He chyhsa paloh liata china a ypa he chyhsa ta pahlei theipa cha vei.

China pahlei ta Thlahlohna maniah a pie theipa cha Zisu Krista deita a cha.
Zisu deita he Thlahlona dopa miah a pie thei (Zawh : 16:33). Thlahpalohtuhpa, Thlahpa Pathaihpa chhao maniah a pie. (Zawh : 16:7)
Thina, mopathaihpa lana, âvy-heihna, etc na chi ma??

Thlahlohna Zisu ta miah a sopa (Zawh : 14:27) China ahneipa chyhsazy ta Zisu he eima ngiah.
Chi khao lei awpa ta maniah a chho. Chi lei awpata ei 365 miah a chho.

2. Khizaw liata thina a ngia (Rawma :5:12) Thina ta chyhsa zydua a chahryh. Thina cha chyhsa cho liata ryureihtuhpa a cha. Thina tawhta Pachha thei tuhpa ama tlua (Rawm :7:24)

Thina pahnie ta a thyuheih tuhpa a y chhohpa xha Zisu deita a cha. "Kei he Thyuheihna nata hrona ei cha". (Zawh :11:25)
Eima khochaipa hrona hneita eima chi chaipa Thina a pahniehtuhpa cha Zisu a cha.

3. Khazohpa nata eima chhaih tawhta chyhsa duasu cha patla byuhpa eima cha. (Isai : 1:6)
Luh tawh pheipaza taih tlana y vei. He eima pasana (hmah) he a pha baona tah ta a pha awpa chi cha vei. (Zer : 6:4)

Tanoh eima khochaipa miakha heih cha tlana a cha. Tla eima khoh vata soh a hluhpi eima hryuh. Eima khochaipa he Zisu pie maniah a kho hra.
"Patla na khoh ma", a tah (Zh :5:6)
Sapa, palohrupa, Thlahpa pasana zydua a patlathei tuhpa a y chhoh pa cha Zisu deita a cha. Ano tlai he khizaw ta a peimawhpa cha a cha.

4. ADYHNA : Khizaw nata moto ta eima ngiahpa cha ADYHNA a cha : Palestinian - Izarei, USA - N.Korea, India - China, Russia - Ukrain, Qatar - UAE, Saudi Arabia, Egypt..
Nama nata na vaih adyhna y tla khao vei.
Dyhna Beipa Zisu Krista he USA, Russia, China, India, chhaota ama  peimawh. Zisu deita he Dyhna Beipa a cha. (Isai :9:6).

Moleina lia eima pao tawhta Khazohpa nata chyhsa likaw ADYHNA Y VEI. Chyhsa nata chyhsa likaw ADYHNA y vei. Adyhna Ataothei - tuhpa cha DYHNA BEIPA ZISU DEITA A CHA.
Khizaw liata Dyhna Beipa a y chhohpa cha Zisu deita a cha.