Article : MARA REIH HE ZAW?

Oxford dictionary editor sahlaozy ta ama ngiana dâhta cha, "Atlâhpipa ta kô 1 chhôh heta Mongyuh reih biesâ (Word) thiehpa 1,000 hlei Oxford Dictionaries Online liata ama rohpangia tyh" ama ta.

A yzie cha, Mongyuh reih, English heta kôchareihta biesâ thiehpa 1000 a hneichhi lymâ tahna a châ.

He hawhta a châ nota, Mara reih deikua, khizaw asosãh lymâpa liata nata, khahlâ zydua ta Mara reihta a reina eima hnei beih leipa biesâ taopapuana kyh liata eima nainôsô eima tah ma, eimâ vaih kaw chy! He he Mara reih laiseihna châta a pha chai ma?tahpa pachãkhi a y ha bã.

Nohchareih, kôchareih khizaw liata hmothiehpa, taozie thiehpa y lymâ ta. Cha zy cha Mara reihta a reina Biesâ thlai eima vaw hnei hra lymâ lei khiahta la, thlai REIH hropa Mara reih liata eima zie lymâ awpa â ngiah ha aw. Cha chata Reih padâhna tlôkhei aw ta, achhâna lâta cha MARA reih a disao thei.

Chavâta, khizaw hmahsiena zie lymâ hawhta Mara reihta mohchho/biesâ thiehpa papua lymâpa he REIH ABOHNA nata laiseihna a châ.

Kheita nama pachâ sahlao hra tly?

Conservative kawpa ta ma eima y lymâ ma? Reih hmahsiena awpa ta Opy eima pakawh laih lymâ bâ aw???