Tipâ khihpi liata 'MARA REIH SEMINAR' hnei

Atanoh târi 28 Thlarâh (September) 2018  ta Tipâ 'V' liata Mara reih apachuna Seminar cum Awareness Campaign hneipa châ ta, he daihti he chhaihno lâta pachhaihpa châ ta, first session liata Puhpa B. Pheihra, CEO, Tipâ ta daihti pathaona thlahchhâna hnei ta, chakhai tawhta hmiapahnosana  hneipa a châ chai khai tawhta Puhpa K. Vanlalliana, Secretary BML & DCEO, MADC ta biereina chyupa a hnei hra.

DCEO biereipa tlâhpipazy:

Atanoh liata BML ta Mara reih rozie achuna Seminar a eino(2) n'awpah ta pachhuahpanoh theipa a châpa he ei ly ngaita kaw.

Mara reih rozie he thai âtah khai ha pi ta, pachutuhpa thokha chhao ei thai tah hr'ei sala roh pado thei pyly veih ei. Cha hawhta zawpizy chhao thai atah hrei sih la, thai hmeiseih ma pi.

Atanoh liata Mara reih rozie a thaipa pathôh(3) atlyh awpah vaw châ ha sala, atanoh ta miah pachu awpah nahzy he ama châ aw.

Mara reih he aony siezie ta ropa châ hrasala, eimâ Chu khiahta la eima thai thei na tahpa he eima pahno awpah a byuh.

Hiahhri awpahzy chhao kâchhie leipa ta hiahhri lymâ awpah a châ.

Mara reih he keimo ta eima cheih lymâ vei khiahta la a lei aw ta, eima tusaw nahzy ama no a vaw za tu aw. Eima sawnah chhâ liata Mara reih Sai cheih bâ ei suh u.

Khiliah liata Mizo reih ta Bie achho tyhpazy pi chhao pathleih lymâ sih la, nohhro Aly chai awpah cha keimo pyly eima châ aw. Atanoh eimâ chupazy he athôhkhei Cheingei achhuah chyu ei suh u.

DCEO bierei khai tawhta Paper present daihti Puhpa A. Zakia ta ahmàh ta ( Mara reih liata 'H' hmâna nata pazao awpah nata pazao lei awpahzy) tahpa Biepipa hmâpa paper a present.

Thopi donazy hneipa a châ khai tawhta Second Session cha pathaopa châ heih ta he nahzy heta paper ama present heih.

1. Satlia FC. Chhuasa ( Mara reih liata 'Â' nata 'Ô' hmâna nata peimawhna)

2.  Satlia HC. Malsawmthanga ( Mara Literature liata History peimawh viapazy nata chipho kyhpachâna(Awareness Campaign)

Seminar ahlaopazy cha Laihsa Masi ta hlasapa ta zawpi a palôhpahawh tyh ei.

Board of Mara Literature tawhta a sie theipazy:

1. Puhpa Laicho Nôtlia, Vice Chairman, BML
2. Puhpa K. Vanlalliana, Secretary, BML & DCEO
3. Puhpa A. Zakia, Padma Shri Awardee & member BML
4. Puhpa LM. Beingâlai, CEO & member BML
5. Satlia FC. Chhuasa
6. Satlia HC. Malsawmthanga
7. Satlia L. Beimokhai
8. Satlia L.B. Thatlô
9. Laihsa Masi, hlasa thaipa.