Article : Eima lahpinô zy he raihria vei ei eima tah aw mâ? - By SC MARA

(AUNG AUNG nata KYAW KYAW)

KYAW : Unawh khâpa rai na hria?
AUNG : Amazon Company sâkha liata.

KYAW : Chakhia na lahpinô zaw?
AUNG : Ei lahpinô la raihria vei.

KYAW : Chakhia a hy e, O liata niebaw awpazy a patohpatia tyh?
AUNG: Ei lahpinô.

KYAW : Chakhia a hy e, mydi na Saw School lâ a pathlie tyh?
AUNG : Ei lahpinô.

KYAW : Chakhia a hy e, na Saw niebaw awpazy patohpariapa ta, ngaizy a pasi tyh?
AUNG : Ei lahpinô.

KYAW : Chakhia a hy e, na Saw a zo ta a ie-pazo zy a thyukhei tyh?
AUNG : Ei lahpinô, Raihria lei tawh tly cha ..😆😆

KYAW : Khaziama "Ei lahpinô Raihria vei" na tah ngâ kaw tly? Na lahpinô a raihriapazy khi hmô va chi ma? Khi a raihriapazy khi keimo Chapaw hria ei sila, chyhsa ta "Raihria vei" maniah vaw tah mawh ei sala, kheihta eimâ chhy aw tly??

Chhôhkha liata Nôzy raihriana nata ama maophaohna he a lai ngâsâ!! He vâ tlaina heta "Paw= Paw Pavaw, Nô= Nô thlôhnô" ama vaw tah tyhpa a châ tlai ei aw!!