Delhi MSO Music Video 'MARARÂH CHÂTA' tahpa palâhâh

NEW DELHI, 7th Di, Chutynoh(MSO Delhi) -
MSO Joint Headquarters, Delhi ta daihti vâropi tawhta a vaw buakhei hapa Music Video cha târi 6th December, 2018 liana kha ta Rev. Dr. Peter Bechatlai Beita ta Immanuel Community Church, Malviya Nagar, New Delhi liata a palâhâh.

Daihti he zâlâ dawh 4:00 pm tawhta  St. Joel Mychhua Nôhro, President chhihthana ry liata a hmâpa châ ta, Ls. Sarah M. Lykhaingia, Adviser ta daihti pathaona thlahchhâna hnei ta, Technical Report St. Gospel Thalai Nôhro, Director, Music Video Sub-Committe tawhta nahthliena hneipa a châ khai tawhta Rev. Dr. Peter Bechatlai Beita ta apalâhâh.

He daihti liana he St. Joshua Miahlung, Auditor tawhta hlasana nahthliepa a châ hleikhôta Music Video sai chhielienazy chhao hneipa châ hra ta, Member apuapa tawhta Music Video eima saina dâh nata eima pachâna dâh zy reipa a châ khai tawhta daihti he pachhâsapa a châ.

He daihti liata daihti sóh kawpa aparuapa ta vaw puatuhpa zydua hnoh ta lyna bie cha rei pita, Hall m'iah pahmâtuhpa Rev. Dr. Peter Beichatlai Beita hnoh ta chhao lyna bie eima reih chanei.

DVD he Delhi lia deileipa ta Siaha lia chhaota chalei theipa châ awta, a chalei khohpazy châta St. Joel Mychhua Nôhro, President nata St. J. Beikuzô, General Secretary hnohta hiahri pasia theipa a châ aw.

Eima music video DVD copy hluhpi eima taoleipa vâta a chaleituapa avâhnei awta, YouTube chhao thlaita sopa a châ aw.

Tawhta la ngiachhiepa ta dâh nah phô zyh chyupa ta, pasaina la tualeipa ta a copy pachhuahpa tlyma social media liata a post pa tlyma cha India dâh (Federal Law) hawhta hrie theipa a châ, chavâta Original Copy cheingei hnei achhuahpa ta maniah nama chaleipa chyu awpa ta eimâ châ haw hra ei.

"For God And Maraland"

Sd/- General Secretary
MSO Joint HQ. Delhi

(Edited by Admin, MNN. Pics Credit : GT. Images)