MHP HQ ta SIAHA JAIL tly

SIAHA, 18 Di, Hriaheinoh (MNN) – Zâhnia zâlâ dawh 1:00 Pm liata Mara Hlasa Py (MHP) General Headquarters: Siaha hmalana ta Siaha District Jail, Meisatlâh, Siaha liatahpa cha tlypa châ ta, MHP member ama puapha kawpa ta pahnopa a châ.

Jail tlyliah liata Programme ahmâpa châ ta, Puhpa A. Thazi, President, MHP General Headquarters ta Chairman châpa ta Programme he a chhihtha.

Daihti pathaona lâ liata Puhpa John Beizachhi Phuto, Vice President, MHP General Headquarters  thlahchhâna hnei ta, he khai tawhta Pihnô P. Chaki, Senior Adviser, MHP General Headquarters ta Khazohpa bietana nata pasyupalina biereina a hnei.

MHP General Headquarters ta Jail tly â chhuah chaina chhâpa cha Jail liata eima unawh sietanô zy palôhpahawhpa ta Christmas nata Kôthiehpa alypa nata thapha kawpa ta amâ hmâ theina awpa ta tahpa châ ta; daihti ziehpa ahmâkhaipa achâ khô lâ ta Programme chhânâ taihta hlasana ta daihti he ahmâpa a châ.

MHP General Headquarters vyuhpa ta Laihsa Abisaki Hlychho, Treasurer ta Jail liata ypazy châ ta sôh Rs.5,000/- hlâna a hnei hra.

He sôh he, MHP General Headquarters ta bao ngiahpazy châta Street Concert ama hmôpa tawhta pachhaihpachhuahpa ta piepa a châ.

He sôh avaw tlohpakhy theina awpa ta tha nata zâh, sôh nata thih avaw pasaihtuhpa Mara zawpi zydua hnoh ta MHP General Headquarters ta alynabie a reih.

Daihti khawna lâ liata Satlia BeiRôkhu Beitâ, General Secretary, MHP General Headquarters ta alynabie reina nata thlahchhâna hnei ta, he khai tawhta Programme he pachhâsapa a châ.

(Admin, MNN)