'Khazohpa ta MP a pie awpa ta eina chho' - Lalthlamuani, Mizoram tawhta Chanô MP a pie tua chaipa

AIZAWL, March 27, 2019: Mizoram tawhta Chanô MP Candidate hmiatua chaipa a châ awpa, Pihnô Lalthlamuani, Lok Sabha MP liata â duah hr’awpa cha Khazohpa ta a pie awpa ta a khohpa vâta a châ, a ta.

Image Courtesy (TNT) :Lalthlamuani

Kô 63-ta uhtheipa Pihnô Lalthlamuani chata, “Khazohpa ta ei chi nata pho pabohsa awpa ta MP â pie awpa ta eina kho” a ta.

A rei lymâna liata, Pihnô Lalthlamuani chata, “Keimo Mizo chyhsazy he Israel pho a lei hapa pathla châ pi ta, Central sawhkhâ ta eima ao nata reih a thei hr’awpa â ngiah.”tahpa ta, “He hleikhôna heta he daihti ryhpaohpa he keima hawhta chanô zydua hnohta pahaona châta hmâh khoh na ta… keima hawhpa châthai leipazy nata nô hrupazy ta hmahta Lok Sabha atlyhna liata ei duah ngâh khiahta cha, chanô thyudyu viapa nata châthai viapazy chhochhi â pie ei sala, yzie ama hnei kaw aw. Zawpizy eima Khazohpa mohta na Vote chyu awpa ta ei haw ei”, a tah hra.

Parliament ATlyhna thâtih liata a eikhana awpa ta Mizoram liata chanô MP a pie tua chaipa châ awpa ta Pihnô Lalthlamuani heta nomination a file.