Mara Missionary chhôhkha chôchâh Social media liata a rohpa vâta buana â tyh

F.Laltansanga, Social Media (Facebook) liata Familia Fanai Laltansanga tahpa ta â rohpa cha, Saikao liata Mara Missionary Pihnô Vaili nata a chhôhkhazy a za tlyna thâtih, Social Media liata a ropa liata, Pihnô Vaili myunô, Puhpa Freddy lahpinô chôchâh a rona dâh vâta chhôhkha lâ tawhta ngiathaina ahaw awpa ta ama pahnosa.

F.Laltansanga he atakô Siaha District liata HSLC nata HSSLC Exam-na liata ‘SUPERVISOR’ awpa ta ama kaw sopa châ ta; Social Media liata ‘SERKAWR LAMTLUANG’ tahpa Article a ropa liata Puhpa Freddy, Pihnô Vaili sawchapaw lahpinô chôchâh a rona dâh liata chhôhkha lâ tawhta palôhtlâh leina a ypa vâta, F.Laltansanga he, Social Media liata a bie Post-pa kyh liata târi 30, Pamih 2019 hlâ cheingei ta ngiathaina ahaw awpa ta pahnosapa nata ahawpa châ ta. Anodeikua F.Laltansanga heta ei 2 ngiathaina â haw hapa hawhta â reih ta, anodeikua chhôhkha lâ tawhta Social Media siepahliepa ta ngiathaina â haw awpa ta amâ hnawpa cha â chhuahna hnei vei a tahpa hawhta, tahpa Mawrâh Thâtihbu alâluahpa, Vanglaini chata a rei.

He hawhta chhôhkha lâ tawhta ngiathaina a haw awpa ta ama tahpa he, F.Laltansanga heta ‘Ano mopakha châta hmo pha leipa taihta tlô thei awpa ta a pachâna a hneipa vâta’ Siaha liata Exam a mohôh chhôhta ano vaihtuh awpa, PSO cha Siaha SP liata hiahpa ta, Siaha SP heta a piepa hawhta Vanglaini heta a palâsa hra.

Facebook liata Familia Fanai Laltansanga â tahpa ta a Article ropa, ‘SERKAWR LAMTLUANG’ tahpa liata Puhpa Freddy lahpinô chôchâh a rona dâh heta reipazi a hlao kaw.

-With Inputs from Vanglaini