PM MODI chakho awpa ta Lyutaopa 111 zy ta Varanasi tawhta MP â pie awpa amâ chhuah

Lyutaopa/lyuhneituhpa (farmer) 111, 'Desiya Thennindiya Nadhigal Inaippu Sangam' py liata a hlaopa, Trichy, Tamil Nadu liatapazy chata atakô MP Atlyhna vaw y awpa liata PM Narendra Modi aduana awpa bia, VARANASI, Uttar Pradesh tawhta PM Modi chakho awpa ta MP amâ pie hra aw, tahpa reih ei ta; he he BJP ta ama Party Manifesto liata hmo amâ hnawpazy ama pahlao lei khiahta la ama tao hmeiseih aw, ama ta.

He Varanasi bia tawhta MP amâ pie hrawpa chôchâh he Trichy tawhta Varanasi ama tlyna liata reihpa ta, lyutaopazy chata, “PM Modi chakho awpa ta Varanasi tawhta MP eimâ pie aw. April 24 liata nomination eima file aw. He he eima nietluana kyh liata eimâ hnawpazy hlao a patloh leipa vâta eimâ chhypaliena awpa a chá,” tahpa Sangam President Ayyakannu chata a rei.

Varanasi he May 19 khita vote pathla aw ei ta. April 22 tawhta April 29 taihta nomination he file theipa a châ.

Lyutaopa py zy heta rairuna amâ tyhpazy vaw tlôkhei tyh ei ta, châhrasala achhyna ama hmô leipa vâta he hawhna heta hmah ama la hapa a châ.

Source - TIMES OF INDIA