'TISI KHIH THÂTIH' châbu palâhâh
Machâ Laichhua Syuhlô châbu ropa, "TISI KHIH THÂTIH" tahpa cha atamy dawh 11:00Am khata Puhpa K.Vanlalliana, Secretary, BML & Sr.EO, MADC, Siaha ta MADC Forest Hall, Siaha liata a palâhâh.
Puhpa MC Pabei, Asst.Secy, BML, MADC chhihthana ry liata châbu palãhâhna daihti hmãpa liana heta, Rev VL Ngaia Hlychho ta Daihtiziehpa (Devotion) hmâhpa ta, Pihnô Patricia T.Azyu, Member, BML ta châbu saichhieliena pha kaw hnei ta; he khai tawhta châbu palãhãhna nata biereina Khichhailaipa tawhta nahthliepa a châ.
Châbu palâhãhtuhpa K.Vanlalliana chata, "Châbu he eima maluh pachâpa ta cha eima hnei hluh kaw bâpa ta â lâ ta" tahpa ta, "Pachâ tyh na ta, châbu rohtuhpazy ta ama tha nata zâh, ama hneina sôh, thaina sona hmãh ei ta, châhrasala zawpi heta eima pasôna awpa hawhta pasô tyh ma pi. Châbu reina kyh liata eima tiama leipa he a pei ngaita kaw. Chãbu rei he tiama papua via tua ei suh u. Mara reih châbu a puapazy he reih hluhpa ta, tiama via ei suh u. He heta Mara châbu puapazy sôhna athata a papôh aw" a ta.
A rei lymâna liata, Puhpa K.Vanlalliana chata, "Marasawzy he chãbu rei eima thâthi kawna chhâpa he pachâ tyh na ta, châhnawh (Alphabet) eima hnei tawhta kô 100 hlei vaw châ ha ta, anodeikua khazia ma hmah eima sie thai vei? tahpa ei pachâna liata za ypa cha - Mara châ roh nawpa dãh kyh liata athata a eichhiana nata a tah chakiana a ypa heta athata Mara châ rona kyh liata thachhiena nata thai khoh leina a sapapuapa ta â lã. MADC nata Awnanopa ta â pyhpa Grammar he zi lyliah ei suh u" a ta.
Atanoh châbu palâhâhna liana heta zawpi pua pha kaw ei ta. Pihnô Chhingpuii Azyu ta zawpi zy hla ta miah a palôhpahawh.
"TISI KHIH THÂTIH" tahpa châbu he tlaw 200 ta zuapa châ ta; Tisi History hleikhôta Marasawzy châta thâtih nano nanopa peimawh kawpa a y hôlô. Zawpi chalei chyu suh vy.
Puhpa MC Pabei, Asst.Secy, BML, MADC chhihthana ry liata châbu palãhâhna daihti hmãpa liana heta, Rev VL Ngaia Hlychho ta Daihtiziehpa (Devotion) hmâhpa ta, Pihnô Patricia T.Azyu, Member, BML ta châbu saichhieliena pha kaw hnei ta; he khai tawhta châbu palãhãhna nata biereina Khichhailaipa tawhta nahthliepa a châ.
 |
| Chaburohtuhpa - Laichhua Syuhlo |
Châbu palâhãhtuhpa K.Vanlalliana chata, "Châbu he eima maluh pachâpa ta cha eima hnei hluh kaw bâpa ta â lâ ta" tahpa ta, "Pachâ tyh na ta, châbu rohtuhpazy ta ama tha nata zâh, ama hneina sôh, thaina sona hmãh ei ta, châhrasala zawpi heta eima pasôna awpa hawhta pasô tyh ma pi. Châbu reina kyh liata eima tiama leipa he a pei ngaita kaw. Chãbu rei he tiama papua via tua ei suh u. Mara reih châbu a puapazy he reih hluhpa ta, tiama via ei suh u. He heta Mara châbu puapazy sôhna athata a papôh aw" a ta.
A rei lymâna liata, Puhpa K.Vanlalliana chata, "Marasawzy he chãbu rei eima thâthi kawna chhâpa he pachâ tyh na ta, châhnawh (Alphabet) eima hnei tawhta kô 100 hlei vaw châ ha ta, anodeikua khazia ma hmah eima sie thai vei? tahpa ei pachâna liata za ypa cha - Mara châ roh nawpa dãh kyh liata athata a eichhiana nata a tah chakiana a ypa heta athata Mara châ rona kyh liata thachhiena nata thai khoh leina a sapapuapa ta â lã. MADC nata Awnanopa ta â pyhpa Grammar he zi lyliah ei suh u" a ta.
Atanoh châbu palâhâhna liana heta zawpi pua pha kaw ei ta. Pihnô Chhingpuii Azyu ta zawpi zy hla ta miah a palôhpahawh.
"TISI KHIH THÂTIH" tahpa châbu he tlaw 200 ta zuapa châ ta; Tisi History hleikhôta Marasawzy châta thâtih nano nanopa peimawh kawpa a y hôlô. Zawpi chalei chyu suh vy.
No comments