Argentina liata ZISU âvaw luah?

Argentina liata nohthlahlatuhpa ta San Salvador de Jujuy liata nohthlah a lapa, ZISU a duah ta, a bâh a pazawh nopa a lyu kawpa chata Internet liata a eichhiana athata a pa-ysa.

He nohthlahpa, 'smartphone', ta lapa heta buakha chhôhta Argentina râh charaopa ta, amâ eichhia hôlô.

Nohthlahlatuhpa he chanô, Monica Aramayo châ ta, a nohthlah lapa he noh zôh za khaihpa ta Zisu nohthlahpa lyu kawpa a za taopa châ ta. Meihdo za khai pahliepa ta noh zôh a zupa chata chyhsa nohthlahpa lyu kawpa tao ta, he he heta mopa ta cha, Zisu a duah ta, a bâh a pazawh nopa alyu kaw. Internet liata hiezawhpa a châ tawhta, chyhsa hluhpi ta Renaissance daihti nota nohthlah ropazy nahta pakhopã ei ta. Thokha heihta Rio de Janeiro, Brazil liata Zisu nohthlahvipa (Statue) 'Christ Redeemer' a lyu kaw ama vaw tah ngâkaw hra.

He nohthlahpa a nano kawna cha, chyhsa hluhpi ta UFO nata hmo hropa ziza liata ama hmô tyhpa ama reipa nahta alyu leipa ta, pizie sianô kawpa a hnei. A luh pizie cha chyhsa luh pizie tlai châ ta, Zisu ta â kyh tyhpa hawhta pahnopa, Viahkao pasihpa â kypâ hra.

He nohthlahpa he a zotuhpa nata zoleituhpa py ypâ pa ta, athata amâ eichhia.

Thokha ta ZISU â vy daihmâna zie pamosana a châ, ama tah nota, thokha ta zo bohbi vei ei..