Mara Literature Workshop hlaotloh kawpa ta pachhâ - By Vâtlô Fachhai

1. Mara Evangelical Church (MEC) Hosted-pa ta, MEC Headquarters, Rev. Teitu Hall, Lialaipi liata Nochhi Mara nata Notla Mara zy  hmaokha ta taopa ‘Mara Literature Workshop’ cha manôh 141-150 likawh tlôpakipa ta Patô 10-11, 2019 (Chutyh, Pachyh) noh no chhôh daihti ahmâpa châta, hlaotloh kawpa ta pachhâpa a châ.

2. Resource person ta hruapa Rev. Dr. Laiu Fachhai (SES, ECM) nata Kmc. C. Laiki chhao vaw tlô thei ei ta aly eima tah ngaita. Literature liata eima nôpaw chaipa A. Zakia chhao Siaha tawhta maniah a vaw hlao thei ta eimâ lyna â ki hleikho ta, K. Sabie nata Fc. Vatha zy chhao paper ama rona tawhta maniah amâ vaw hlao thei hra.

3. Tlôpaki noh (Patô 9, 2019 -Pobieh) zâ liata VIP ta hruapazy noh no chhôh hnei awpa ‘Mara Literature Workshop’ program châta reipahmaohna (small meeting) hneipa châta, ary lia hawhta paryhsapa a châ.

4. #Rev. Dr. Laiu Fachhai (SES, ECM) paper, respondent châta #Rev. Dr. LB. Siama (GS, MEC) raopa châ ta; #C. Laiki paper, respondent châta #Pupa Laicho Notlia (Vice President, BML) raopa a châ.

5. Noh no chhôh daihti asie khei awpa workshop moderator châta #M. Vahnei (President, AMLC) raopa a châ. ( Moderator eima tahpa he, chairperson/chairman kha tlâ châta he lia deikua, zawpi control na daihti a y thei awpa vâta moderator tahpa ta moh biepa a châ)

6. Noh no chhôh #Mini Rotuhpazy (Minute Recorders) châta #Rev. Dr. Zodau (BTE Director) nata #Pastor Vatlô Fachhai (Assistant Secretary, AMLC) zy raopa ama châ.

7. Patô 13, 2019 (Hriatuanoh) he khichhai pai noh châta, Nochhi Mara liata Mara châ pachutuhpazy deikua AMLC tawhta noh kha pie awpa Teachers’ Training a y via chyhpa vâta amâ tâh chy.

8. Patô 13, 2019 (Hriatua) he AMLC tawhta M.Vahnei nata Pastor Vatlô Fachhai zy ta Mara châ pachutuhpazy hnohta Mara châ pachuna ama hnei.

9. Patô 14, 2019 (Hriaheih) lia heta cha khichhai zydua Lialaipi khih eima puasai khai.

10. Mara Literature Workshop a vaw hlaopazy hryta ama yna su ahla chaipa M. Vahnei (Yangon) nata Pastor Vatlô Fachhai (Taungyyi) zy cha, ama yna su chiachâ ta atlapa ta eima tlô khai haw (Patô 17, 2019). Mara Literature workshop avaw hlaopa khichhai zydua pasana nata accident-na a y tahpa thâtih eima thei tla hraoh leipa vâta, aly pita, atlapa ta eima yna su chiachâ eima tlô thei khaipa vâta Abeipa moh eima rei thai.

11. ‘Workshop’ tahpa he biechhawhna ama taopa chi châ leipa ta workshop ahlao theipa zydua khodâh hawhta reipamaoh thei khaina su ta tlao a châ. Chadeikua noh no chhôh liata eima bie reipa zawpi sypahmaohpa ta nahtlana ‘statement’ deikua papuapa châta, he statement liana he ta noh no chhôh taopa ‘Mara Literature Workshop’ thlahpa cha apatu khai haw tahpa zawpi eima sia awpa a byuh.

12. MEC ta Vao sô (5)pa miakha nata sô (4)pa miano thie ta, Mara Literature Workshop a kiahpa zydua zâpati (diner) niena noh no chhôh hnei tyhpa a châ (Patô 10-11, 2019).

13. AMLC ta Vao sô (5)pa miakha thie ta zâpati (diner) niena hneipa a châ (Patô 13, 2019).

14. Rev. Dr. Zodau (Susu Paw) he a yna su Lialaipi liata internet line apha thai leipa vâta M. Vahnei, Moderator nata keima Vatlô Fachhai ta zawpi pahno tlâhpa minute recorded thokha nata ‘statement’ zy cha, mylâ tawhta dusaw dusaw ta zawpi lâ eima vaw palâsa lymâ aw.

15. ‘Mara Literature Workshop’ hosted tuhpa MEC nôpaw zy, khichhai maniah a mohôh phapa Lialaipi khihsaw zy lâta alyna bie reih pita, eihviapa ta Marapa châta phusâ tâkâ a pasai phatuhpa MEC nôpaw nata MEC manôh zydua chô liata alyna bie sâh chaipa eima hlâ.

16. Patô 9-13, 2019 taih chotla biechhona liata maniah abuabâ kheituhpa (1) Pupa Tlôtha, (2) Pupa Rape, (3) Pupa Beihmotao, (4) Puhpa Tai Au, (5) Pupa Tlaitu, ((6) Pupa Thatlô, (7) Pupa Vechô, (8) Pupa Senao, (9) Pinô Thlezi, (10) Pinô Sisi Nô, (11) Pinô Tlaibaw, (12) Pinô Hrengie, (13) Pinô Hlaovâ, (14) Pinô Lilipawngia zy hnohta Alyna bie eima reih.

16. Patô 9-13, 2019 taih chotla biechhona liata maniah abuabâ kheituhpa (1) Pupa Tlôtha, (2) Pupa Rape, (3) Pupa Beihmotao, (4) Puhpa Tai Au, (5) Pupa Tlaitu, ((6) Pupa Thatlô, (7) Pupa Vechô, (8) Pupa Senao, (9) Pinô Thlezi, (10) Pinô Sisi Nô, (11) Pinô Tlaibaw, (12) Pinô Hrengie, (13) Pinô Hlaovâ, (14) Pinô Lilipawngia zy hnohta Alyna bie eima reih.

Remark: Noh no chhôh taopa/hneipa ‘Mara Literature Workshop’ kyh liata social media facebook nata WhatsApp siepahliepa ta bie nama theipazy noraihpazy tlyma? pahno byuhpazy a y khiah, ary liata mo (3) zy he hriahri thei lymâpa a châ.
(1) Workshop Moderator:-  M. Vahnei (095081412)
(2) Mini Rotuhpa:- Rev. Dr. Zodau (09766024959)
(3) Mini Rotuhpa:- Pastor Vatlô Fachhai (09456223582)

Sd/-
Vatlô Fachhai
Mini Rotuhpa
Mara Literature Workshop, Lialaipi