MTP Gen.HQ : Siaha ta paritheipa thohna Rs thysy 2 (lakh) hlei mâ ama patu

MTP Gen.HQ : Siaha chata, zâhnia Abeipanoh (2 Chhiepa 2019) khata, Maruata Drug Store, Siahatlãh tawhta paritheipa thohna, tlaw thysy 2 (lakh) hlei mâ ama patu.

He thohna daoh a hneituhpa he T.LALREMTUATA (Maruata) S/o T.Roliana, Siahatlâh châ ta, a daoh tawhna heta atahmâhlã ta thyutliapazy ta parina châta ama hmâ chaipa thohna - Warma Tramdol, Strip 316 (Strip 1 he Rs 250/-), Khihchhôh zuana hawhta cha tlaw 79,000/-mâ châ ta; he hleikhôna heta pakhu thohna, Devrex Codein Cough Syrup ôh 437, ôh 1 tlaw 500/-ta ama zuapa, a zydua ta tlaw 2,79,000/-mâ ama patu hra. Thohna ama patupa zydua he Tlaw 2,97,000/-mâ a châ. 

MTP Gen.HQ : Siaha chata Maruata Drug Store he khawpâ ha ei ta, abyuhna nata ângiahna hawhta Daoh License chhao pachhâsapa a châ aw, ama ta.

MTP Gen.HQ : Siaha chata, atahmâ tawhta cha MTP ta paritheipa adyuhna a siekheipa cha thatlô viapa ta siekhei lymãpa chã aw ta, eima rãh thyutliazy paraotuhpa Paritheipa azuahpazy cha chado-chadaona y leipa ta, a pasa thei chaina hawhta ama chôta 'Action' lapa a chã aw, tahpa ama palâsa hra.

Source - Secretary i/c Info., MTP Gen.HQ : Siaha