Siku a bâh khoh leipa vâta a paw nata rilâhpa ta thie amâ chhuah!
Chanô thyudyupa, kô 15-ta uhtheipa pakha cha, a paw nata a rilâhpa ta siku pabâsa ta, vahpa pahneisa awpa amâ chhuahpa cha, khâchâ a dythapa vâta, a paw nata a rilâhpa heta chaihzô ta he chanô thyudyupa he vieh ei ta, a thi pyly awpa hawhta pachâpa ta ti lana kyh liata ama siesai.
He chanô thyudyupa ngiachhie a chhi kawpa heta, “Ei pâ ta su dâhthloh kawpa, ti lana (canal) lâ nâ chhi ta, he liana heta ei rilâhpa chhao thlai â vypâ ha hra. Ei rilâhpa heta poh hmâpa ta ei rao na rie ta, ei hnóhkyh lâ tawhta ei pâ ta chaihzô ta eina vaw vieh. Ngiachhiena ahawpa ta tao khao lei awpa ta athata ahaw na ta, châhrasala yzie hnei vei. Ei pâ heta siku na pabâsa ta, vahpa na pahneisa a chhuah ta, he he ei khoh leipa vâta hetana heta eina tao hapa ei a châ” tahpa ta ANI hnohta a rei.
He hawhta a paw nata a rilâhpazy ta ku ama pathla ngâ nona heta chanô thyudyupa heta, a dâh a phi tu hapa vâta ti padosa awpa ta ahaw ta. Châhrasala a paw heta ti padosa cha rei lei, ti lana liana heta a thi pyly thlãh h'aw na ta pangiasapa ta thy ta; a paw heta he chanô he a thi nata thi lei pasia awpa ta he su lâ he vaw kua heih ta, châhrasala he chanô thyudyupa heta a yna su tawhta lâ hla viapa lâ â vaw pasie hmâ hapa a châ.
He chanô thyudyupa narônô vahpa chhaota a biereipa he avaw châhkheipa ta, he chanô thyudyupa he a paw nata rilâhpa ta siku kiah khao leipa ta vahpa pahneisa awpa amâ chhuah ngâthlâh hapa vâta ama hnohta ama pa-ysapâ ngâkaw, a ta.
(ANI)
He chanô thyudyupa ngiachhie a chhi kawpa heta, “Ei pâ ta su dâhthloh kawpa, ti lana (canal) lâ nâ chhi ta, he liana heta ei rilâhpa chhao thlai â vypâ ha hra. Ei rilâhpa heta poh hmâpa ta ei rao na rie ta, ei hnóhkyh lâ tawhta ei pâ ta chaihzô ta eina vaw vieh. Ngiachhiena ahawpa ta tao khao lei awpa ta athata ahaw na ta, châhrasala yzie hnei vei. Ei pâ heta siku na pabâsa ta, vahpa na pahneisa a chhuah ta, he he ei khoh leipa vâta hetana heta eina tao hapa ei a châ” tahpa ta ANI hnohta a rei.
He hawhta a paw nata a rilâhpazy ta ku ama pathla ngâ nona heta chanô thyudyupa heta, a dâh a phi tu hapa vâta ti padosa awpa ta ahaw ta. Châhrasala a paw heta ti padosa cha rei lei, ti lana liana heta a thi pyly thlãh h'aw na ta pangiasapa ta thy ta; a paw heta he chanô he a thi nata thi lei pasia awpa ta he su lâ he vaw kua heih ta, châhrasala he chanô thyudyupa heta a yna su tawhta lâ hla viapa lâ â vaw pasie hmâ hapa a châ.
He chanô thyudyupa narônô vahpa chhaota a biereipa he avaw châhkheipa ta, he chanô thyudyupa he a paw nata rilâhpa ta siku kiah khao leipa ta vahpa pahneisa awpa amâ chhuah ngâthlâh hapa vâta ama hnohta ama pa-ysapâ ngâkaw, a ta.
(ANI)
No comments