Premier League : Old Trafford liata Frank Lampard hmia a kai lei kaw

Kô 1965 rakha tawhta a ei kha n'awpa ta, Manchester United ta ama tlyliah, Old Trafford liata ama khichhaipa, Chelsea ama pahniena a sâh chaipa châ awpa ta 4-0 ta pahniena to ei ta. Frank Lampard ta Premier League liata Club a mohôhpa â khaihkhei tua chaina noh liata Old Trafford liata a hmia a kai lei kaw.

United châna heta Marcus Rashford ta goal khô ta. Inter Milan lâta ama zua hapa, Romelu Lukaku nuhby, 9-na a kyhtuhpa Anthony Martial ta goal kha khôpa ta, Substitute tawhta a zâ ngiapa, Daniel James ta â khaih tua chaina liata goal khôpâ pa ta, Old Trafford liata United ta pahniena hladyuh pathluahpa ta Season ama pathao pasu kaw.

1st Half chhôhta akhaih pha viapa tah thei awpa, Chelsea châta cha ama kao lâta goal ama papuapazie he a pyh thai a ru kaw aw. Tammy Abraham nata Emerson zy ta United kaotôh pakhâhpa chapie thlu rairie ei ta, Season ama vaw hmâ hapa zydua liata Season ama pathao nota si ama phaoh hluh chaina daihti amâ tyh.

EPL Point Duasu (Top 14)