Texas, USA : Moleipa pakha ta chyhsa 5 a kasao heih

Pachyhnoh khata Texas, USA liata Thlazoh thlâpâ chhôhta a ei nona châ awpa ta, meithei a chabapa chyhsa pakha ta chyhsa 5 kasaopa ta, chyhsa vâro tlai hmah a paphao.

He moleipa ta a ka tuachaipa he Police châpa ta, Midland nata Odessa khihpi likah liata he moleipa Car a vaw paduasapa cha, meithei heta Police-pa he a ka hapa a châ.

He khai tawhna heta lâlai liata avaw râpa ahluahtheipa maih cha he moleipa heta vaw ka lymâ ta. A car he thyusaipa ta, motor hropa parupa ta meithei he a hmiepapa pazao lymâ.

He hawhta chyhsa 5 kasaopa ta, mohropa vâro tlai hmah a paphao tawhna heta Police zy ta ama kasao ha hrapa a châ.

He hawhta he chyhsa ta meithei ta chyhsa a kana chhâpa he pahnopa châ leipa ta; ano he kô 30 rachhôhpa a châ.

Thlazoh thlâpâ thla thaona lâchhâh liana khata, El Paso, Texas, USA liata moleipa pakha ta chyhsa 22 a vaw kasao ha heih hra.