Covid-19 : Mohropazy ama hrohpapua theina awpa ta ama hrona ama hlâ!
Covid-19 pasana ta a taola chaipa râh tah thei awpa, Italy liata cha he pasana vâta hrona a pahlei thei awpa ama hluh ngâsána hryta, Dawhty zy ta tlâhleipa, tlâh papua awpa ta ryhpaohna a hnei hluh viapa maih ama pachà peimawh via ha bâ.
Covid-19 hri chareipa vâta khizawpi atymâ ta, he hri chareina râh zydua liata amohôhna chhaichhi a phahlana a tlô hai. Dawhtyzy châta chhaichhi, a vaina lâchhâh adaihkhyh leina hluh ta, he pasana a hneipa ama pôh lymâna hryta husona (Ventilators) hra a khichao lei ngâkaw ei. Nôpo â chhih ngaita tlai aw!
He pasana vâta atymâna ry liata chyhsa tota ama tao thei nochâchyu tao awpa ta a toro chyu ei ta, cha hryta râh thokha liata kô nata khih uhtheu liahsa hapa, he pasana váta thi thei awpa duasu liata a duah haipazy ta tlâhleipa hawti viapa, thyutlia viapazy châta hrohpapuana daihti ryhpaohpa ama tleihaipa thâtih heta palôh a pahnie ngaita.
Atliata liata Belgium liata nôpipa pakha ta a hrona khâ pabohsatuhpa husona (ventilator) â pangaih haipa cha, dawhtyzy hnohta ano hlâta hawti viapa tlâhleipazy tlao pahmâsa awpa ta tahpa ta, a hrona a pahlei.
Ano he kô 90-ta uhtheipa, Suzanne Hoylaerts châ ta. COVID-19 pasana a hneipa vâta March 20 khata Thohna-O a ngiakheipa châ ta, a duasu a pha lei kaw. Husona (Ventilator) hmâpa ta husopa ta, a hrona cha khâchà a patu chy hra...châhrasala, he nôpipa heta,
"He husona nohthlahpa he hmãh khoh khao vana. Hawti viapazy châta hmâh bâ t'u. Keima la hro pha kawpa ei vaw hmâh liahsa ha na,” tahpa ta husona cha hawti viapa tlâhleipazy châta a tlei. A hrona pahlei hra sala, a hmotaopa heta chyhsa pathipalôh a pahnie ngaita.
Italy liata kô 72-ta uhtheipa Catholic theihthaipa, Don Giuseppe Berardelli chhaota nôpipa Suzanne hawhna heta mohropa châta a hroh papua theina awpa daihti ryhpaohpa a hlâ heih hra.
Berardelli he târi 15 March khata Italy liata Covid-19 vâta thi ta. Ano thi ha hrasala, a hmotaopa vâta chyhsa palôh liata thi thei vei.
Berardelli heta a husona (Ventilator) cha, a hmia pahno beih leipa hawtipa, Covid-19 pasana a hnei hrapa châta tlao a hlà a heih hra.
A ri he Casnigo, Italy, liata pabupa châ ta. A ri ama pathlie nona heta, khôtho pua thei leipa, khihsaw sahlaozy cha ama O *Verandah* liata kaw puapa ta, he theihthaipa ri he a hmotaopa amâ lyzie pamosana cháta *ku chabaipa* ama pathlie.
Âmo hawhpazy vâna heta, khizaw ta thlahlôhna, riahphana nata pasaihpha tahpa ta aw tlâh awpa a hnei tyhpa a vaw chà!
Covid-19 hri chareipa vâta khizawpi atymâ ta, he hri chareina râh zydua liata amohôhna chhaichhi a phahlana a tlô hai. Dawhtyzy châta chhaichhi, a vaina lâchhâh adaihkhyh leina hluh ta, he pasana a hneipa ama pôh lymâna hryta husona (Ventilators) hra a khichao lei ngâkaw ei. Nôpo â chhih ngaita tlai aw!
He pasana vâta atymâna ry liata chyhsa tota ama tao thei nochâchyu tao awpa ta a toro chyu ei ta, cha hryta râh thokha liata kô nata khih uhtheu liahsa hapa, he pasana váta thi thei awpa duasu liata a duah haipazy ta tlâhleipa hawti viapa, thyutlia viapazy châta hrohpapuana daihti ryhpaohpa ama tleihaipa thâtih heta palôh a pahnie ngaita.
Atliata liata Belgium liata nôpipa pakha ta a hrona khâ pabohsatuhpa husona (ventilator) â pangaih haipa cha, dawhtyzy hnohta ano hlâta hawti viapa tlâhleipazy tlao pahmâsa awpa ta tahpa ta, a hrona a pahlei.
Ano he kô 90-ta uhtheipa, Suzanne Hoylaerts châ ta. COVID-19 pasana a hneipa vâta March 20 khata Thohna-O a ngiakheipa châ ta, a duasu a pha lei kaw. Husona (Ventilator) hmâpa ta husopa ta, a hrona cha khâchà a patu chy hra...châhrasala, he nôpipa heta,
"He husona nohthlahpa he hmãh khoh khao vana. Hawti viapazy châta hmâh bâ t'u. Keima la hro pha kawpa ei vaw hmâh liahsa ha na,” tahpa ta husona cha hawti viapa tlâhleipazy châta a tlei. A hrona pahlei hra sala, a hmotaopa heta chyhsa pathipalôh a pahnie ngaita.
Italy liata kô 72-ta uhtheipa Catholic theihthaipa, Don Giuseppe Berardelli chhaota nôpipa Suzanne hawhna heta mohropa châta a hroh papua theina awpa daihti ryhpaohpa a hlâ heih hra.
Berardelli he târi 15 March khata Italy liata Covid-19 vâta thi ta. Ano thi ha hrasala, a hmotaopa vâta chyhsa palôh liata thi thei vei.
Berardelli heta a husona (Ventilator) cha, a hmia pahno beih leipa hawtipa, Covid-19 pasana a hnei hrapa châta tlao a hlà a heih hra.
A ri he Casnigo, Italy, liata pabupa châ ta. A ri ama pathlie nona heta, khôtho pua thei leipa, khihsaw sahlaozy cha ama O *Verandah* liata kaw puapa ta, he theihthaipa ri he a hmotaopa amâ lyzie pamosana cháta *ku chabaipa* ama pathlie.
Âmo hawhpazy vâna heta, khizaw ta thlahlôhna, riahphana nata pasaihpha tahpa ta aw tlâh awpa a hnei tyhpa a vaw chà!
No comments