Mara Lei Awhsi laipa Puhpa Hiphei eimâ chhaih haw!!
AIZAWL, 8 Pachawh, 2020, Pakhynoh - Atamy dawh 8:30 Am chhaichhyh kha ta â pahâ hmeiseih tahpa ta ama vaw update. A ri he Siaha lâ kaw sie kheipa châ aw ta, Puhpa KH. Hachhua O, Siaha Vaihpi liata â zia aw.
MARA LEI AWHSI PUHPA HIPHEI THÂTIH
Puhpa Hiphei he kô 1937 khata Mararâh Chapi khih liata vaw pih ta, a paw he Puhpa Zate (L) a châ. Thaina lâta I.A a châ.
Puhpa Hiphei he châbu rei pahâh kawpa châ ta; a pahnona kawh kaw ta, châbu reipa he a daihti ruapa hluh viapa a hmâna dâh a châ.
POLITICS LIATA
*Poi-Lakher Regional Council* ry liata Marapazy ta tovyuh dopa ama to leipa ta pahnona a ypa vâta kô 1963 liata *Mara Political Movement* lai ngâsapa, *Marapazy châta ryureina eihhrâhpa District Council* hnei awpa ta teina vaw puapa ta, Mara zawpi khona hawh tlaita *Mara Freedom Party (MFP)* cha paduapa vaw châ ta. Zyhno khih liata Pakhypi awpa ta, he liana heta Mararâh khih to tawhta Mara chipho thapasapa nata kyhpachâtuhpa tlôpakhy ei ta; Puhpa Hiphei chhao thyutlia kaw chy hrasala, Mara chi nata pho châta keihchakâ hrapa ta, *Mara Freedom Party* liana heta *Vice Chairman* chakaona rai a vaw patu hra.
Puhpa Hiphei he Politics liata a khitlyna lâthlôh palâh kaw ta, atlyhna nano nanopa liata pahniena a to hluh kaw.
MLA liata kô 1972, 1978, 1979, 1984, 1987, 1989 nata 2013 liatazy atlyh patlohpa châ ta; term 7 chhôh tlai MLA liata a vaw tloh. India Parliament Ryureina sâhpa, Rajya Sabha liata term 2 - kô 1990-1996 nata 1996-2002 likah khata M.P a châ hra.
Puhpa Hiphei he chyhsa lathli phapa nata bierei thaipa, hmo atheithlâhna (memory) hnei pha kawpa châ ta, hmo a tlôpa nata a tlôna noh nata daihti phie ngia lymâ tyhpa, cha hmo cha my leipa ta a thei ngâthlâh ha theipa chyhsa a châ hra.
Khizaw râh nano nanopa - USA, U.K, France, Egypt, UAE, Israel, Switzerland, Barbados, Myanmar, Singapore, Hong Kong nata Japan zy a tlyh ha.
Kô 2018 Assembly atlyh chy khata BJP a pazao ta, BJP Mizoram Pradesh liata Core Committee Member a chá haipa a châ.
Mararâh châta biehneina lai viapa, *Sixth Schedule Amendment* buakheipa ta noh nata daihti a hmã hai nota, sapa chiehleina pasana ta tlôthlupa ta, daihti vâro chhôh tlai mohôhpa a châ tawhta atanoh târi 8, Pachawh, 2020-pa ta Khizaw puasaipa ta, â vaw pahâ haw.
_(Ref : Various Sources)_
MARA LEI AWHSI PUHPA HIPHEI THÂTIH
Puhpa Hiphei he kô 1937 khata Mararâh Chapi khih liata vaw pih ta, a paw he Puhpa Zate (L) a châ. Thaina lâta I.A a châ.
Puhpa Hiphei he châbu rei pahâh kawpa châ ta; a pahnona kawh kaw ta, châbu reipa he a daihti ruapa hluh viapa a hmâna dâh a châ.
POLITICS LIATA
*Poi-Lakher Regional Council* ry liata Marapazy ta tovyuh dopa ama to leipa ta pahnona a ypa vâta kô 1963 liata *Mara Political Movement* lai ngâsapa, *Marapazy châta ryureina eihhrâhpa District Council* hnei awpa ta teina vaw puapa ta, Mara zawpi khona hawh tlaita *Mara Freedom Party (MFP)* cha paduapa vaw châ ta. Zyhno khih liata Pakhypi awpa ta, he liana heta Mararâh khih to tawhta Mara chipho thapasapa nata kyhpachâtuhpa tlôpakhy ei ta; Puhpa Hiphei chhao thyutlia kaw chy hrasala, Mara chi nata pho châta keihchakâ hrapa ta, *Mara Freedom Party* liana heta *Vice Chairman* chakaona rai a vaw patu hra.
Puhpa Hiphei he Politics liata a khitlyna lâthlôh palâh kaw ta, atlyhna nano nanopa liata pahniena a to hluh kaw.
MLA liata kô 1972, 1978, 1979, 1984, 1987, 1989 nata 2013 liatazy atlyh patlohpa châ ta; term 7 chhôh tlai MLA liata a vaw tloh. India Parliament Ryureina sâhpa, Rajya Sabha liata term 2 - kô 1990-1996 nata 1996-2002 likah khata M.P a châ hra.
Puhpa Hiphei he chyhsa lathli phapa nata bierei thaipa, hmo atheithlâhna (memory) hnei pha kawpa châ ta, hmo a tlôpa nata a tlôna noh nata daihti phie ngia lymâ tyhpa, cha hmo cha my leipa ta a thei ngâthlâh ha theipa chyhsa a châ hra.
Khizaw râh nano nanopa - USA, U.K, France, Egypt, UAE, Israel, Switzerland, Barbados, Myanmar, Singapore, Hong Kong nata Japan zy a tlyh ha.
Kô 2018 Assembly atlyh chy khata BJP a pazao ta, BJP Mizoram Pradesh liata Core Committee Member a chá haipa a châ.
Mararâh châta biehneina lai viapa, *Sixth Schedule Amendment* buakheipa ta noh nata daihti a hmã hai nota, sapa chiehleina pasana ta tlôthlupa ta, daihti vâro chhôh tlai mohôhpa a châ tawhta atanoh târi 8, Pachawh, 2020-pa ta Khizaw puasaipa ta, â vaw pahâ haw.
_(Ref : Various Sources)_
No comments