Mizoram : Atakô chhôhta thohna (drugs) vâta chyhsa 21 ama thi ha
Aizawl: Atakô Nawh (January) thla tawhta Chutyhnoh (Patô/May 15, 2020) taihna khata Mizoram liata thohna hmâ pasina vâta a thipa (drugs related death) chyhsa 21 ama y ha. Mizoram liata _Lockdown_ siekheipa a châpa hnaihta thohna sôh kawpa ta, a mâ chhao a ru kaw tahpa *Excise & Narcotics Department* chata ama rei.
Excise & Narcotics Department ngiana dâhta cha atakô chhôhta thohna hmâ pasina vâta hrona a pahleipa zie cha chyhsa 21 tloh ha ei ta, he hryta 18 he chapaw châ ei ta, 3 he chanô châ ei ta, ama zydua heta HEROIN vâta a thipa sai ama châ. Athipa he Nawh thla liana khata 7 y ei ta, 5 he chapaw châ ei ta, chanô 2 ama y. Hmypi thla liana khata 6 thipa ta, 5 he chapaw châ ei ta, chanô 1 ama y hra. Pamih thla liata 2 thi ei ta, Pachawh liata 4 nata Patô thla liata 2 thipa ta ama zydua ta chapaw sai ama chá.
Excise & Narcotics Department hriatuhpazy chata atlia tawhta ahluahtheipa mopasiana liata chhao thohna patu awpa y tu vei, tahpa reih ei ta, akhawhlôhna vâta *drugs* a sôh kaw tahpa ama rei. Khihtlâh nahta hriaparaohpa ta ama patu chhôhpazy chhao _lockdown_ hlâta ama vaw la ha chiehpazy a châ tahpa reih ei ta. He hawhta a châ nona heta opa state, Assam liata Bagha rachhôh tawhta cha chhaichhi-hmobaoh ama vaw phaopa hryta a chyhta zy cha á vaw zie thei hra, ama ta. Noh hro ta amâ vaw ngiakheina tyhpa Champhai lâ tawhta cha patupa hnei vei ei, ama ta.
Excise & Narcotics Department hriatuhpazy chata thohna má chhao athata â sâh tah ei ta. Noh hrota chhiehru saihpa 1 Rs. 800/1000 a châ tyhpa kha atahmâ cha Rs. 3000 zy châ ta, cane kha Rs. 2000/2500 rachhôh châ tyhpa kha atahmâ cha Rs. 5000 lâta a kaw kiah ha, châhrasala phusâ ama hneipa chhaota chalei awpa y pyly vei, ama ta.
Lockdown khai tawhta thohna hmâ pasina vâta a thipa ama hluh thei, tahpa Excise & Narcotics Department hriatuhpazy chata ama tah hra.
- ZALEN
Excise & Narcotics Department ngiana dâhta cha atakô chhôhta thohna hmâ pasina vâta hrona a pahleipa zie cha chyhsa 21 tloh ha ei ta, he hryta 18 he chapaw châ ei ta, 3 he chanô châ ei ta, ama zydua heta HEROIN vâta a thipa sai ama châ. Athipa he Nawh thla liana khata 7 y ei ta, 5 he chapaw châ ei ta, chanô 2 ama y. Hmypi thla liana khata 6 thipa ta, 5 he chapaw châ ei ta, chanô 1 ama y hra. Pamih thla liata 2 thi ei ta, Pachawh liata 4 nata Patô thla liata 2 thipa ta ama zydua ta chapaw sai ama chá.
Excise & Narcotics Department hriatuhpazy chata atlia tawhta ahluahtheipa mopasiana liata chhao thohna patu awpa y tu vei, tahpa reih ei ta, akhawhlôhna vâta *drugs* a sôh kaw tahpa ama rei. Khihtlâh nahta hriaparaohpa ta ama patu chhôhpazy chhao _lockdown_ hlâta ama vaw la ha chiehpazy a châ tahpa reih ei ta. He hawhta a châ nona heta opa state, Assam liata Bagha rachhôh tawhta cha chhaichhi-hmobaoh ama vaw phaopa hryta a chyhta zy cha á vaw zie thei hra, ama ta. Noh hro ta amâ vaw ngiakheina tyhpa Champhai lâ tawhta cha patupa hnei vei ei, ama ta.
Excise & Narcotics Department hriatuhpazy chata thohna má chhao athata â sâh tah ei ta. Noh hrota chhiehru saihpa 1 Rs. 800/1000 a châ tyhpa kha atahmâ cha Rs. 3000 zy châ ta, cane kha Rs. 2000/2500 rachhôh châ tyhpa kha atahmâ cha Rs. 5000 lâta a kaw kiah ha, châhrasala phusâ ama hneipa chhaota chalei awpa y pyly vei, ama ta.
Lockdown khai tawhta thohna hmâ pasina vâta a thipa ama hluh thei, tahpa Excise & Narcotics Department hriatuhpazy chata ama tah hra.
- ZALEN
No comments