UCL : Barcelona kao liata Bayern Munich ta 'goal' ama pasuasa
Bayern Munich chata Champions League liata ama kaw hmiachhy lymâ awpazy châta bietana nata, mopakhô chakhyh awpa ama châ leizie palâsapa ta, Europe liata Club pahreihpa Barcelona cha Portugal khihpi Lisbon liata Goal ama pasuathlu.
UEFA Champions League Quarterfinal he, 1st Leg nata 2nd Leg akhaih a ngiah khao leipa ta ei kha akhaihpa liata a tlô viapa Semi Final a ngia awpa tahpa a châna hawhta Lisbon liata Bayern Munich nata Barcelona a khaihpa he a mo pha ta. Tha nata zâh, â piedalana kyh liata tato viapa Bayern Munich he Barca he amâ thânô lei kaw, tah thei awpa ta Spanish club laipa he, Bundesliga club chyhnawhpa hawhta ma ama hmô ha ma, ama taola kaw.
1st Half chhôhta Goal 4 tlai Barcelona kao lâ a ngia ta, 2nd Half ama pathao tawhta daihti rei leipa chhôhta Bayern pyly heta Barca kao lâ goal 4 ama za khô chhi heih. Barca diahsua-zy (Defender) taochhei hluh kaw ei ta, Goal zy he âmo tao chheipa tawhta a ngiapa tah thei awpa hluh kaw ta..tlao Bayern Munich heta he hlâta hluh viapa Goal chhao ama khô thei awpa he châ ta..Goal 8 hleikhô he pangia khao hra vei ei.
He hawhta a châ nona heta, Bayern heta Barcelona kao lâ goal 8 po ama pangia theipa vâta Barca he ama riepako pahnie kaw, tahna châ hlei leipa ta, ama hnôhtlâh lâ he Barca forward pano - Lionel Messi nata Luis Suarez - zy ta patypamâ kaw hra ei ta, Bayern kaovaihtuhpa Manuel Neuer ama pabua kaw hra.
Akhaihna pathaopa a châ tawhta minute 4-na liata, Robert Lewandowski nahta ball amâ pie pachhuahpa sie lymâpa liata Thomas Muller ta Bayern hmiasahna goal za khô ta. He Bayern hmia a sahna he minute 7-na liata David Alaba ta Jordi Alba ta a kâ lâ tawhta a vaw chapiepa cha chapie papua awpa â chhuahna liata chapie chhei tlamawpa ta ama kao lâ vaw pangia tlamawpa ta, 1-1 ama kaw châ ha heih. Barca châta goal khô chhi theina nata hmia a sahna ryhpaohpa kaw ypa ta, Suarez chapiepa, Neuer ta a vaw pakhâpa nata Messi chapiepa ta Bayern kaotôh a khaipazy kha i â chhih kaw.
He rakha tawhta minute 22 chhôhta hmo a tlôpa khata Barcelona ku tawhtapa hmo to kha pahleipa ta a y tah theipa châ ta, Bayern lâ tawhta minute 11 chhôhta Goal 3 - Ivan Perisic, Serge Gnabry nata Muller zy ta ama za khô chhipa khata Barca châta hnabeiseihna meisih a kaw ia ngâpa a baosao lao ha, tah theipa a châ..
1st Half chhôhta Bayern heta 4-1 ta hmia amâ sah hmâ ha.
2nd Half ama pathao tawhta minute 57-na liata Suarez ta goal a ngia kawpa a za khôpa chata Barca hnabeiseihna meisih bâhta kaw pa-ia via taraw hrasala, ia parei vei! Minute 63-na liata Joshua Kimmich ta goal rônahpa za khôpa ta, Barca phaohri za baichha ta.
Minute 82-na liata Robert Lewandowski ta atahmâ Season liata Champions League liata a Goal 14-na a luhta a za su pangiapa chata Barca hmah phaohpa za pasasa via heih ta; Barca tawhta Bayern lâta Loan ta ama pakhaihsapa - Philippe Coutinho ta Substitute tawhta a zâ ngiapa ta minute 85-na nata 89-na liata Goal 2 za khô chhipa ta, 8-2 ta Bayern Munich ta Barcelona he ama pahnie hapa a châ.
Hetana heta Bayern he atahmâ ta UCL liata Club a tla mâh leipa hryta cha a rônah chaipa tah thei awpa châ ha ta, European Cup/Champions League nyungiapa ei 5 vaw chalo ha ei ta, ama chalo hnôh chaipa cha kô 2013 kha châ ta, atahmâ Season Champions League a khaih haipa liata cha hnabeiseih amâ chhih chai, tah thei awpa ama châ.
Bayern Munich-ta Semi Final liata ama hmiachhy awpa he Manchester City nata French club Lyon zy akhaihpa liata a tlô viapa a châ aw.
UEFA Champions League Quarterfinal he, 1st Leg nata 2nd Leg akhaih a ngiah khao leipa ta ei kha akhaihpa liata a tlô viapa Semi Final a ngia awpa tahpa a châna hawhta Lisbon liata Bayern Munich nata Barcelona a khaihpa he a mo pha ta. Tha nata zâh, â piedalana kyh liata tato viapa Bayern Munich he Barca he amâ thânô lei kaw, tah thei awpa ta Spanish club laipa he, Bundesliga club chyhnawhpa hawhta ma ama hmô ha ma, ama taola kaw.
1st Half chhôhta Goal 4 tlai Barcelona kao lâ a ngia ta, 2nd Half ama pathao tawhta daihti rei leipa chhôhta Bayern pyly heta Barca kao lâ goal 4 ama za khô chhi heih. Barca diahsua-zy (Defender) taochhei hluh kaw ei ta, Goal zy he âmo tao chheipa tawhta a ngiapa tah thei awpa hluh kaw ta..tlao Bayern Munich heta he hlâta hluh viapa Goal chhao ama khô thei awpa he châ ta..Goal 8 hleikhô he pangia khao hra vei ei.
He hawhta a châ nona heta, Bayern heta Barcelona kao lâ goal 8 po ama pangia theipa vâta Barca he ama riepako pahnie kaw, tahna châ hlei leipa ta, ama hnôhtlâh lâ he Barca forward pano - Lionel Messi nata Luis Suarez - zy ta patypamâ kaw hra ei ta, Bayern kaovaihtuhpa Manuel Neuer ama pabua kaw hra.
He rakha tawhta minute 22 chhôhta hmo a tlôpa khata Barcelona ku tawhtapa hmo to kha pahleipa ta a y tah theipa châ ta, Bayern lâ tawhta minute 11 chhôhta Goal 3 - Ivan Perisic, Serge Gnabry nata Muller zy ta ama za khô chhipa khata Barca châta hnabeiseihna meisih a kaw ia ngâpa a baosao lao ha, tah theipa a châ..
1st Half chhôhta Bayern heta 4-1 ta hmia amâ sah hmâ ha.
2nd Half ama pathao tawhta minute 57-na liata Suarez ta goal a ngia kawpa a za khôpa chata Barca hnabeiseihna meisih bâhta kaw pa-ia via taraw hrasala, ia parei vei! Minute 63-na liata Joshua Kimmich ta goal rônahpa za khôpa ta, Barca phaohri za baichha ta.
Minute 82-na liata Robert Lewandowski ta atahmâ Season liata Champions League liata a Goal 14-na a luhta a za su pangiapa chata Barca hmah phaohpa za pasasa via heih ta; Barca tawhta Bayern lâta Loan ta ama pakhaihsapa - Philippe Coutinho ta Substitute tawhta a zâ ngiapa ta minute 85-na nata 89-na liata Goal 2 za khô chhipa ta, 8-2 ta Bayern Munich ta Barcelona he ama pahnie hapa a châ.
Hetana heta Bayern he atahmâ ta UCL liata Club a tla mâh leipa hryta cha a rônah chaipa tah thei awpa châ ha ta, European Cup/Champions League nyungiapa ei 5 vaw chalo ha ei ta, ama chalo hnôh chaipa cha kô 2013 kha châ ta, atahmâ Season Champions League a khaih haipa liata cha hnabeiseih amâ chhih chai, tah thei awpa ama châ.
Bayern Munich-ta Semi Final liata ama hmiachhy awpa he Manchester City nata French club Lyon zy akhaihpa liata a tlô viapa a châ aw.
No comments