Covid-19 vâta Ahneina yrupa

Tuithiang vaih, Aizawl liata Puhpa Lalzekhuma sawchapaw hnei chhôhpa, Lalruatfela chata lahpinô, Lalruatfeli (Dulte/Maubawk) cha Awnanopa dâh pathaihpa, Achhyna-O pahypa tlaita hnei ta, he amâ hneina ku patu nona heta, zawpi cha rei lei, ama nô nata paw tlai chhao a hlao vei ei. Âmo AHNEINA awpazy hleikhôta, Ku patusatuhpa Pastor nata myuh nata myuhhneituhpa viasa zy deita tah leipa cha ahy hmahta a hlao lei vei ei.

He hawhta ahneina, chyhsapa daihti hryta rônah chaipa miakha, cha thota dâh nona châ leipa ta dâh khana, awnanopa zawpi hmiakô liata ahneina pathaihpa liata zawpi nata, myuh nata myuhhneituhpa nô nata paw tlai chhao amâ hlao thei leina chhâpa he, khâpa hropa vâta châ leipa ta, 'Covid-19' vâta a châ. 

Tuithiang Vaih liana heta Covid-19 hri-ohpa hmôpapuapa a châpa vâta, he hri-ohpa a vaw hniahnipa (contact) tluana (tracing) siekheipa châ ta. He liana heta myuhhneituhpa nô nata paw, Puhpa Zekhuma zy nôvah he hri-ohpa a vaw hniahni hrapa hryta amâ hlaopa vâta ama sawnah ahneina chhâ amâ hlao thei mawh la, tahpa ta târi 17.9.2020 khata Mualpui lâ rapid antigen test(RAT)' tao awpa ta vawh ei ta, hriatuhpazy amâ vaw di hmâ hapa vâta ama chhichâna pahno theipa châ khao heih vei. Local level task force zy asaohiahpa ta LLTF zy chata, Achhyna-O liata Pastor sahlaota ahnei awpazy a dua chakhaituh awpazy nata nohthlahlatuhpa pakha zy chhaota tlâ achhyna-O liata kupatuna cha siekhei awpa ta ryh ama rao haw. Achhyna-O pahypa ta a hneipa, zawpi abohna awpa pachâna vâta he hawhta VLTF zy ryhraona zyhpa ta, reingiah kawpa ta ahneina ama pachhuahpanohpa vâta, ama vaih VLTF chhao amâ ly ngaita hra.

Covid-19 vâta, chyhsa hluhpi ta hri charei haipa chhao pachâ leipa ta a rônah thei chaina hawhta, sawhkhá biepiepa chhao ama uasa lei nota, âmo deikua ama rônah chaina noh liata zawpi abohna pachâna vâta yru kawpa ta amá hnei..

Ahneina he, a rônah nata rônah leipa liata a pahnieh leipa ta; kyhpachâna dopa â hlao khiahta cha, cha tluta rônahpa cha y vei..

-maro colneya bungsut