US Atlyhna : GEORGIA State Vote reipathipa liata Biden pyly pahnietuhpa a châ

 

US President Atlyhna liata tlô viapa ta phuahpa Joe Biden cha Georgia liata Vote a tlapa zydua reipathina hneipa liata pahnietuhpa a châ, tahpa pasia via heihpa châ ta, Georgia liata Biden he pahnietuhpa a châ, tahpa cha Republican, Secretary of State Brad Raffensperger a phuah (certify) ha hra. Republican President Candidate nata President a châ haipa Donald Trump hrialâhpazy ta State mia 3 liata Atlyhna Result a kho (challenge) awpa amâ chhuahpa chhao chalihsa/tao khao lei awpa ta tahpa a châ ha hra.

Democrat Biden heta Republican Trump he Georgia liata Vote reipathina liana heta Vote 12,670 ta a pahnie pyly heih. Georgia Secretary of State, Republican Raffensperger chata ama Party pahniepa ta ama ypa cha pei tah kaw ta, "nuhby he la vaw haih tlai vei" a tah.

US President châta atlyhna liata tlohpa ta phuahpa (Elect) Biden heta kô 2021 Nawh thlâpâ liana khita US President 46-na châ awpa ta White House a tlôh ha bâ aw.

Biden heta Electoral College Vote chhao 306 tlai a hmô ha bâ na ta reipatipa châ ta, Trump heta 232 a hmô na ta pangiasapa a châ. President châ awpa ta ECV 270 hmô awpa a byuh.