Bâti ama pachâsana liata hawsaihpa thi

Romania liata Orthodox awnanopa liata hawsaihpa pakha, bâti ama pachâsana liata a thipa vâta Awnanopa ta bâti ama pachâsana dâh liata reipasuana a hluh kaw. He hawsaihpa a thipa he, bâti ama pachâsa no heta ti liata ei 3 tlai nypa châ ta, a hrona a pahlei.

He hawsaihpa he hâta ei 6 deita uhtheipa châ ta, bâti pachâsapa ta ti liata ei 3 ama nypa cha, a hu so khao leipa ta, thohna-O lâ thlai a râkhei taraw ei ta, a hrona pachha thei khao vei ei. Dawhty zy ta ama mopasiana liata he hawsaihpa pachao liana heta ti a opa ama hmô.

He hmo tlôpa kyh liana heta biehneituhpazy chata he hawtipa bâti pachâsatuhpa theihthaipa/pastor (Priest) cha biebuapa ama pa-ao. He hmo he Suceava, Romania liata a tlôpa a châ.

He hmo tlôpa vâna heta bâti pachâsana dâh cha thla bâ awpa ta a khohtuhpa chyhsa 56,000 ta moh ropa ta AHAWNA ama pangia hra.

He hawhta a châ nota, Awnanopa biehneituhpazy deikua ta cha bâti ama pachâsana dâh he thla byuh vei, ama tah.

- DAILY MAIL