Huasua : 'You're my best Friend' tahpa hlasatuhpa Don Williams a thi

Mararâh lia chhaota hla alâluah kawpa, ‘You’re my best friend’ tahpa hlaphituhpa nata satuhpa, Don Williams cha atanoh khata Texas, US liata â pahâ. 

Country Music liata chyhsa rônahpa, Williams heta kô 1971 tawhna khata Solo Career pathao ta, Country hla liata number 1 saita 17 a papua hmâ.

A hla lâluah kawpa, ‘Gypsy Woman’ nata ‘Tulsa Time’-zy cha pyungiapa khizaw liata chyhsa rônahpa, Eric Clapton nata Pete Townshend-zy taihta ama sapachhuah pâ ngâkawpa a châ. Williams he Country Music liata “the gentle giant of country music” ama tah tyhpa, chyhsa areisi kawpa nata zawngiah kawpa a châ hra.

Keimo Marasawzy ta eima pahnona hla nata eima pahâhkhei chaipa deikua “You're My Best Friend” tahpa he a châ thlyu aw. Williams he kô 2010 khata Country music liata chyhsa rônahpazy ama pahripaziahna, Country Music Hall of Fame liata ama vaw lapangia.