Myanmar buana : Rohingya Muslim maluh 270,000 ta Myanmar puasaipa ta Bangladesh ama ngai ha bâ

Photo credits : Reuters

United Nations chata Rakhine State, Myanmar liata buana a tlôpa vâta Myanmar puasaipa ta Rohingya Muslim chyhsa 270,000-zy ta Bangladesh ama ngai ha bâ, a ta. .

UN biephuahtuhpa chata, pohbie nohta Myanmar puasaipa ta Bangladesh ngaituhpa Rohingya Muslim-zy cha atamy lâ khata athata ama kaw pôh, tahpa ta, he hawh tlupo ta chyhsa hluhpa ta buana su ama puasaipa heta a chatliena lâta hmahla awpa ângiahnazie a palâsa, a tah hra. He Myanmar puasaituhpa Rohingya Muslim-zy heta Myanmar pheisaihzy ta ama khih-zy cha mei ta raopa ei ta; âmo chhao cha ku ama pathla hrapa hawhta ama rei.

He buana he târi 25 Thlazoh liata Rohingya riahrupazy ta Rakhine state maw lâta Myanmar Police Post ama tlahnao tawhta avaw thaopa châ ta. Rohingya chyhsa, Muslim zyhna zituhpazy chata Rakhine liata Myanmar pheisaihzy nata Buddhist-zy ta athata ama tlahnao, ama ta.

He hawhta a châ nona heta Myanmar sawhkhâ deikua ta he ama baina he dythapa ta, pheisaihzy ta Rohingya riahrupazy amâ dyuhpaliena deita a châ, avaw tah hra.

- BBC