Mexico Losihpa : Chyhsa 88 thi ha ei ta chyhsa 200 hlei ta hmah ama phaoh

Zâhnia ta Mexico chho lâta lo asihpa vâta chyhsa thipazie cha pôh via lymâpa ta, he thâtih pachhuahpanoh hai no taihna heta chyhsa 88 thi ha ei ta, chyhsa 200-ta hmah ama phaoh.

Losihpa tao pasa viapa khih - Tabasco, Oaxaca nata Chiapas-liatazy pachhana rai hria pazao lymâpa châ ta; chyhsa hluhpi cha O chopa nata  losihpa ta aparaopa hmo nano nanopa ry liata amâ tâh haipa ta pahnopa a châ hra. Losihpa magnitude 8.1-ta pasapa he kô zakha chhôhta Mexico liata losihpa pasa chaipa ta reipa châ ta. President Peña Nieto chata Mexico râh poh-raih cha losihpa vâta hrona a pahleipazy taokheina châta a tôh â khophie liata rai awpa ta a phuah ha hra.