North Korea ta Japan râh chô liata Missile a pazawsa ha heih

North Korea chata Japan râh â zawpakhôpa ta Missile a ka papuapa ha heih, tahpa South Korea nata Japan sawhkhâ ta ama phuah.

South Korea pheisaih biepuapa chata he Missile he 770km (478 miles) ta â sâhpa ta â zawpa ta, 3,700km pasipa a tlô na pangiasapa a châna zie phuah ei ta. Missile heta Japan râh Hokkaido liahpahlôh a zawpakhôpa ta Pacific Tilaipi liata a tla tahpa South Korea biepuapa chata a palâsa hra.

Thla hmiatuapa khata North Korea heta Japan azawpakhôpa ta Missile vaw ka ha heih ta; he he Japan ta avaw la pasa kawpa kha châ ta. South Korean pheisaih biepuapa chata Missile ama ka papua thieh chaipa he North Korea khihpi Pyongyang tawhta ka papuapa hawhta a palâsa.

Atahmâ ta Missile ama ka papuapa he târi 29 Thlazoh liata ama ka papuapa hlâta kyhtotie liata a pha viapa ta â lâ ta, missile ama ka papua tuapa khata 2,700km (1,678 miles) ta pasihpa tlôpa ta, 550km ta â sâhpa liata â zawpa a châ.

UN ta North Korea chôta hriena thiehpa a chaluah tawhta North Korea he athata chyhusa pathao ha heih ta. US cha ‘Buhchâh lâta buakha chhôhta eima pachâsa aw’ tahpa reikah a pathlie tawhta, ‘Japan’ luh chô liata Missile a pazawsa ha heih.

He hawhta a châ nona heta South Korea chata North Korea râh luhpa thie awpa ta a pheisaih pha patluapazy achuna a pie hai.