Hmialâ daihti khaih kawpa hneipa ta, kô 2017 a pakhô daihmâ tawhta IAS promotion hmô awpa rei chhielie hapa, Manipur MCS officer chyhsa 5 hryta tlâh chyhsa a y chhôhpa Pihnô Rachel Guite W/o G. Paukhanmung MPS cha zâhnia my dawh 11:50 rachhôh khata thohna-O liata maphieh a hnei tawhta daihti rei leipa liata â pahâ.
 |
| Pics : Pihno Rachel saw maphiehnazy |
Bielana hnawh ta a palâsana dâh ta Pihnô Rachel Ngailunmawi @ Rachel N Guite nawh hneina thohna-O he Suba Hospital, Imphal châ ta;Pihnô Rachel heta Imphal, Suba Hospital liana heta maphieh (chapaw nata chanô) hneipa ta, nawh â chhaih khai tawhna heta a BP athata â hnai ta, he tawhna heta a duasu heta pha lei viana lâ ngai lymâpa ta, a hrona taihta a pahlei hapa a châ.
Pihnô Rachel thina chôchâh liana heta hmo asupia leipa a ypa hawhta pahnona vâta Police hnohta FIR pangiapa a chânazie eima bielana hnawh heta a palâsa hra.
No comments