Manchester City chata Premier League liata ei 16 pahniena topa ta, Crystal Palace nata West Ham-zy chhao ahrapathina ama to pazao lymâ chy hra.
Manchester City heta 4-1 ta Tottenham pahniepa ta, Point 14 ta EPL liata hmia amâ sahna ama pasihsa via ha heih.
Ilkay Gundogan ta 1st Half liata goal a y chhôhpa khô ta, 2nd Half liata Kevin de Bruyne ta khô heih hra ta. Gabriel Jesus ta penalty khô leipa ta, anodeikua he he Raheem Sterling ta goal za khôpa ta thô ta; Tottenham goal y chhôhpa he Christian Eriksen ta a khôpa a châ.
Christian Benteke ta minute 1,106-chhôh goal khô leipa ta tlyliah liata daihti a hmâna noh pachhâpa ta Palace ta 3-0 ta Leicester City pahnie ei ta. Benteke he athata reipachhie a hlao hmâ hapa a châ.
Anodeikua zâhnia zâ liata cha Wilfried Zaha nata Bakary Sako-zy nahta goal khôpa ta, 14-na liata amâ kaw khaih haw.
West Ham ta David Moyes ry liata ahrapathina ama topa siepalâh lymâ chypa ta 3-0 ta Stoke cha Bet365 Stadium liata ama pahnie. Stoke player parohpa ta Marko Arnautovic ta Hammers hmia asahna khô ta, he he Mark Noble ta penalty tawhta za baichhapa ta, ama goal 3-na he Diafra Sakho a khôpa a châ.
Mesut Ozil goal rônahpa hmâpa ta Arsenal ta 1-0 ta Newcastle pahniepa ta, Gunners he 4-na liata ama kaw y ha heih.
Chelsea Manager Antonio Conte ta ‘EPL Nyungiapa a chhu awpa ta daihti y khao vei’ tah taraw hrasala, Chelsea ta khaih 10 liata khaih 8 ama tlôna châ awpa ta 1-0 ta Southampton ama pahnie. Marcos Alonso ta freekick tawhta pahniena goal a y chhôhpa he a khô.
No comments