Australia liata North Korea chyhsa pakha cha moparutuhpa hawhta baipa châpa ta patupa a châ

Sydney, Australia liata chapaw pakha cha North Korea châta moparutuhpa a châpa ta pahnopa nata baipa a châpa vâta Australian Federal Police (AFP) ta ama patu.

Chan Han Choi, kô 59-ta uhtheipa he Dâh pasaileipa hmo paphaona kyh liata ahniahnipa nata chariah chhaichhi chichhihpa (Weapon of Mass Destruction) chôchâh reipahmaohna liata ahniahnipa hawhta baipa châpa ta patupa châ ta. Police-zy chata UN nata Australia dâh nata phôh a parao, ama ta.

Kô 30 hlei Australia liata avaw pahrâ hapa, Chan ama baina he he hawhpa kyh liata a eikhana châ ta. Ano he 1995 Weapons of Mass Destruction (Prevention of Proliferation) Act ry liata ama patu tua chaipa a châ.