Copa del Rey Quarterfinals : Messi ta penalty chapie pangia leipa ta Barcelona pahniepa ta ama y

Lionel Messi ta penalty chapie pangia leipa ta Barcelona ta zâkô thlazoh thlâpâ tawhta eikha ama tlô leina châ awpa ta Copa del Rey quarter-final first leg liata 1-0 ta Espanyol pahnie vei ei.

Messi penalty he Espanyol kaohâtuhpa Diego Lopez ta minute 62-na liata vaw pakhâ ta. Espanyol tlôna goal he Oscar Melendo ta daihti chhâ chyta liata a khôpa a châ.

Second leg he Barca tlyliah, Nou Camp liata târi 25 Nawh (Pohbie noh) khita amâ khaih heih aw.

Copa del Rey quarterfinals akhaihna hropa liata, Diego Costa ta Atletico Madrid châta ei palih âkhaihna liata goal thôh a khôna châ awpa ta goal khô heihpa hrasala 2-1 ta Sevilla hmiakô liata tlô vei ei.

Costa heta Atletico he minute 73-na liata hmia a sahkhei ta. Anodeikua Sevilla coach Vincenzo Montella ta Sevilla a mohôh tawhta ei thôh pahniena a tokheina châ awpa ta Joaquin Correa ta Sevilla tlôna goal he minute 2 a y tahpa liata a za khô hapa a châ.

Goncalo Guedes nata Rodrigo ta Valencia châta khôpa ta 2-1 ta Alaves ta ama pahnie.