Ei 4 thi awpa ta Pakistan liata chanô hawti kô 6 patupakhi ta thietuhpa hriepa a châ

Pic : Zainab Ansari (AFP)

Pakistan liata Court miakha chata thla hmiatuapa liata chanô hawti, kô 6 ta uhtheipa patupakhi ta, a hrona latuhpa kô 24-ta uhtheipa, Imran Ali cha thina taihta hriena 4 liata thailei a pachâsa.

Zainab Ansari ri he Kasur, Lahore chho lâ liata târi 9 Nawh, 2018 liana khata hmôpa châ ta. He chanô hawtipa rarô y kawpa ta thiepa a châna kyh liana heta zawpizy chata Police-zy cha hmo alaichadaina kyh liata ama nainôsôpa ta baipa ta, palôhtlâhleina lâpi achhihna hnei ei ta. He liana heta buana tlôpa ta hrona a pahleipa chhao ama vaw y hapa kha a châ

Court ta bietluna a phuah nona heta chanô hawtipa Zainab paw chhao he y hra ta. Peihriatuhpa Ali he khahlâ tawhta moleipa a châ tahpa ta biehneituhpazy lâta tlôkhei tyhpa châ tyh taraw ta, uasa hlao leipa ta; he hawhta chanô hawtipa hrona taihta a la tawhta cha zawpizy ta biehneituhpazy cha athata ama maochhie hapa a châ.

- BBC