Siku hawti Home Work taopâna chôta FA Cup 5th Round liata Tottenham Hotspur hmiachhy awpa kô 16-ta uhtheipa Daniel Adshead

Kô 16-ta uhtheipa deita châ chypa ta, FA Cup 5^th Round liata Tottenham Hotspur hmiachhy thei awpa duasu liata a duah hai ta; Achuhaipa a châ chypa vâta FA Cup akhaih awpa ta ama Club, League One club, Rochdale ta Milwall hmiachhy awpa ta tlyliah ama ngaina lâthlôh liata Bus chhôh liata Home work a taopâ.

Rochdale Coach Keith Hill ta, "Milwall tlyliah eima ngaina lâthlôh liata eima club bus chhôh liata Home work a tao."tahpa a reipa he ahy rai maw?

Rochdale boss Keith Hill heta ahy hropa reih leipa ta kô 16-ta uhtheipa, Rochdale midfielder Daniel Adshead thâtih a châ. Atazâ he FA 5^th Round liata Harry Kane nahta amâ hmiachhy thlâh ha thei.

Kô 2001 liata a pihpa, the Manchester liata siku a kiah haipa Dale he zâkô Thlarâh 19 liata EFL Trophy akhaihna liata Bury a hmiachhy nona khata kô 16 nata 17 noh deita châpa ta EFL akhaih theipa hawti chaipa vaw châ ha ta. Â khaih chhie muarua leipa na a châ aw, he EFL Trophy â khaih tawhna heta Arsenal nata Chelsea nahta rei pazaopa châ pâ ha ta. Atahmâ Season liata chhao Rochdale cha FA Cup fifth round â ngiakheipa ta, ama Club thâtih liata ei thôh 5^th Round amâ ngia theina deita a châ.

A hawti tupa hnaihta hawtipazy abohna pachâ peimawhtuhpazy dâh taopa hawhta, amâ khaih khai patawnah ta Player hropazy ta chysia amâ thla hlâta â thla tua awpa a châ, tahpa a châ.

Atazâ ta Tottenham ama hmiachhyna liata ama tlôpa chhao, tlô leipa chhaota âchuna su Gorton's Wright Robinson College cha hriatuanoh ta a tlô hmâ heih awpa a châ, tahpa a châ.

Rochdale Boss chata, "Kô 16 deita a châ tahpa he chyhsa ta ama my ha heih tyh. Siku hâti deita hmahta châ hrasala hmah a sie ngaita kaw. Millwall eima pahniena FA Cup 4^th Round liana khata akhaih ta, 3^rd Round liana khata minute 64 chhôh tlyliah lia daihti hmâpa ta Doncaster hmiachhy ta, atazâ ta Tottenham eima hmiachhy tita chhao substitute liata a y heih aw. First team liata â hlaopa vâta siku a kia leina daihti zy y tyh ta, Millwall hmiachhy awpa ta ama tlyliah eima ngai no chhochhi khata cha Bus chhôh liata a Home work a taopâ ngâkaw” a ta.