Iran liata zawtheina a tlapa liata chyhsa 66 ama thi

Aseman Airlines zawtheina, Iran khihpi Tehran tawhta Iran notla lâta Yasuj khihpi ngaipa ta a zawpa cha atanoh khata Zagros tlâh liata tlapa ta, a chhôh liata a kiahpa chyhsa 66 ama thi.

He zawtheina tlapa ama pahno patawnah heta Red Crescent-zy chata pachhapapuana rai hriapâ lymâ taraw ei ta, vâduachhih kawpa ta a hroh papuapa y vei ei.

Flight EP 3704 heta Tehran sanâh liata atamy dawh 08:00 khata Tehran puasaipa ta a zaw ta, dawh kha a khô tawhta Radar tawhta a lei hapa a châ.

Zawtheina he Yasuj tawhta km 22 ta â hlapa, Dena Mountain liata tlapa ta, a chhôh liata a kiahpa, passenger 60, zawtheina chhôh liata a hriapa 6-zy cha ama thi khai ha tahpa pasiapa a châ.

He zawtheina he French taopa Engine ‘twin-engine turboprop ATR 72-500’ a châ.