He hih vaw reih cheingei ma y...

_*Satlia*_ : Dao, na pha ma? Buakha ta bie châ chho'pa ei khodâh châ, nâ mâ aw tah tyh??
_*Laihsa*_: Ei mâ daihmâ ha bâ, hmo tao ngâpa lâlao kawpa hnei na ta, ei patlô patawnah ta ei cha vaw chhy sy...umm
_*Satlia*_ : Buakha ta soh chy la...bie châ chho awpa ei byuh tu chuh..ei cha vâ ka che la y.
_*Laihsa*_ : Class project sâkha patlô cheingei awpa y ta, buakha ta na vaw hâ chy la...keichhao ei cha vâ ka che ha.
_*Satlia*_ : Dao, ngiachhie ta atahmâ ngâlâh, ei para ka che bâ la y...mylâ my tlâ na patlô kha my.
_*Laihsa*_ : EINA AI TU HA BÂ CHI...EI BUA EI TAH KHIAH PAHNOTHAI THLÂH HRA BAO. NA VAW PABUA KHAO KHÂ, NA LAHPINÔ HMAHTA CHÂ MÂH NA HIH..
_*Satlia*_ : Dao, ei vaw tao tlamaw tu ha, kyh ei cha pachâ...khiah tavia tlâ ei cha vaw text heih aw sy.

(Buakha a y tawhta...)

_*Satlia*_ : Dao, hâ thei khao na, a rei tu ha bâ. Bie châ chho awpa ei peimawh hmeiseih la y...patlô mâh chi mâ?? (Chyh-eihna y vei)
_*Satlia*_: Dao, khazia eina reply vei chi..na project cha a ru kaw mâ?? (chyh-eihna y pyly vei)
_*Satlia*_ : Dao, reply tua ngiachhie ta, riethei â chhih kaw la y..(chyh-eihna y heih vei)
_*Satlia*_ : Dao, zâ dawh 11 a khô ha bâ hih. Dawh 2 chhôh a sie ha heih, na patlô hawh hra!! Ei cha vá ka che la y..kyh ei cha pachâ.
_*Laihsa*_ : NA VAW PABUA MÂH KHAO KHÂ EI CHA TAH KHA HA MAW...ei patlô tita la ei cha vaw text pyly aw. Palóh rai na papiesa thei chi. Tao pha leip'aw sala keima pyly ta ei tao heih aw. Ngiachhie ta nâ vaw môsai chy tyh...mydi ta bie tlâ eimâ chho khaw sy...mâpha moku pahâh.
_*Satlia*_ : Dao, nâ ngiathai ma y...Khiah a mô avaw chhuah tua sa y, nâ chhao mokuh pahâh kaw ta avaw mô chi ta, a tlâhboh kawpa ta na thyu heih khaw sy..mâpha sy........kyh ei cha pachâ..

A mylâ mydi chata........

_*Laihsa*_ : Morning dear, thyu mâh ma?...záhnia zâ khaw..nâ ngiathai ma y. Kha project khata na pabua tu ta, châ vaw hrâhnao na ta, pei ei tah hmeiseih.(chyh-eihna y vei)
_*Laihsa*_ : Thyu mâh chi mâ...class na haw la y..(chyh-eihna y vei)
Laihsa : Dear, einâ hao kaw chi má, na reply khoh chi mâ...khazia class na kiah vei?? Balance ma na hnei vei ma, na reply bao...ei palôh pahâh vei la y...cha vâ ka che ha...(chyh-eihna y pyly vei)

......buakha tlai a ryu tawhta kei call ta.........

(Chanó heta phone vaw la ta)..Hello
_*Laihsa*_ : Ano y vei mã??
_*Avaw chhytuhpa chanô*_ : (Chana chôta)..Y khao vei, ei sawchapawpa ta eina siesai haw...na kyhpachâpa chata a cha siesai haw..(cha ha heih tua ta)..Zâhnia zâlâ tâ â piepasina thátih kha cha chho vei mâ?? Zâhnia zâlâ khata Sumo â râ pakhô awpa chyta taxi eikhapi ta avaw râpa nahta â su ei ta, a phei ru su 3 liata a tliepa hleikhôta internal bleeding hneipâ ta, zâhnia zâ dawh 1 rachhôh khata â pahâh haw..zãhnia zâ kha ta cha a pasa a tah leizie nata thlaita a pha heih awpa zie eina chho ngâkaw mâh my (athata kaw cha ta)...atamy la pathyu thei khao ma pi....(chana chôta)...na sms awpa send leipa a y mâh my..ei cha vaw send sy...(phone cha soh ta)

Laihsa phone liana chata thlai text vaw tlópâ ha ta, chana chôta moh ta

...."Dao, a mô a ru kaw dia..ei cha vâ dâh la aw!!!!..ei duasu cha chho awpa achhuah na ta, châhrasala bua tlô chi ta..ei tha einâ chhâ hmeiseih..message chhao he ei type raruah..ei luh athata pahiah ta, ei tha chhao a chhâ kaw hra...mylâ my cha vaw wish awpa y khao thlyu vana tahpa ei chi kaw...châhrasala kyh ei pachâ tahpa he avaw thei ngâthlâh ha ma y..kheihawhpa hmo rai ei chôta avaw tlô hapa chhaota na châna pahlei ngâna taihta vaw y leipa la. Pitloh kawpa ta y awpa ta cha khoh na ta, nâ chuna kha vaw diathlâ kha y....zâhnia zâlâ ei di awpa kha....."


_*He hih my kha y*_

*Na kyhpachâpa cha na theina zydua ta uasa la, buana hluhpi hryta chhao a châta daihti khâ pie achhuah lylia ma y...tavia angiapachhipa ta na y lei n'awpa*