COMMON LAGUAGE HE HMÂH HLUH VIA LYMA SUH VY

~By L.B.Thatlô

Ahmiatua chaita he Châpaw avaw reituhpa zyduata ei khih châna lâ tawhta na lapa leipa u la Reihcbâ (Literature) thapasana tawhta a vaw puapa a châzie tlao eina pahnokhei aw ei chita ei châ haw.

Thyutlia saw liata Chipho nata Reih thapasana chi laiseih lyma ta aly âchhih hmeiseih. Cha nota peimawh kawpa deikua Mara Bei nata eima Misawnari zy ta Khazopa lâta ama chahnaopa;i chiehpa eima Common Reih he hmâh hluh via lymâ ei suh u. Common reih na hmâh hluhpa vâta na pikheipa reih kha pahlei hlei leip'aw Chi ta, na siesai tahna châ hlei hra vei.

Eima khih nochâ aony nata Reih  chhao hawrawh sâkha hmahta pahleipahlô awpa châ hra leipa ta, anodeikua Common reih cheih awpa hrohrâ a nawtawh ta zawpi hmiakô liata eima khi Reih hrohrâta hmâh thomo awpa khona he eima khi Reih pabohsana nata palaiseihsana châ pachâ hlei vei.

Ei no-âh kaw tyhpa miakha cha Mara Idol liata mohpadotuhpa thokha Tlôsai chyhsa châ leipa ta Tlôsai reih ama cheih nahta ama khisawh tlyma, ama chiheih awpazy tlyma ta ano reih zakheipa tahpa reikahzy thei tyh na ta, Feeling dâh do lei kawpa a châpa ta ei pahno.

Tipa BDO vaw châ hapa Miseal biereipa na pahnie kawpa cha zawpi a pôhpakhyna lia raita Common reih he ei hmâh lymâ aw a tah cha maw. He hawhpa kyh liata ei reithai kaw tyh penawh heih cha Zyhno Reih hmâpazy he ama châ

Achhâpa cha ama khichhôh Program tah leipa ta a râh program lia maihta cha Tlôsai reih ama thai leina chô chhaota hmâh lylia ei ta, ei reithai hmeiseih ei. Tlôsai reih ama hmâpa vâ khata Zyhno reih disaona nata mohnaona  châ tiarâh hlei vei.

Zyhno ei tah nota Chapi, Hawthai, Vytu, etc. pakhapano chhao Common reih cha a hmâhpa y taraw ei ta, a tlâhpipa ta a hluh via syulyu he cha eima khih reih feeling dâh he â do âh tlama i tahpa pachâna ei hnei.

Tawhta Mara reih zydua he khi tota a thei rairie awpa eima kho chaipa a châ nota pahrânazy nata khihzy â lyucho tlâ leipa vâta achu awpa rairuna y tyh ta, khôtho pua viapazy châta deikua rairu ngyu' vei.

Common reih deikua hmiachhyta eimâ pachu ngâkaw leipa chhaota  eima Biehrai nata Hlabu tawh heta â chu theipa a châpa vâta rairuna â khôkhâh kawpa ta ei pahno. 

Râh hropa thatih cha ei pahno lei hnaita he kyh liata cha Mizo chyhsa he mopâtlâh ama châ viapa ta ei pahno tyh. Achhâpa cha Mizo tahpa liata reih nano nanopa a y tarawpa ta motota ama theithai rainao awpa Duhlian ama tah tly ma tlâ hmâh khai ei ta, apha kawpa ta ei pahno. 

Chavâta Mara saw a châ hnokuata cha  Common reih he thai a Chhua ta hmâh hluh eimâ Chhua awpa he a peimawh kawpa ta ei pahnopa vâta pachâ dâh ei vaw reih hrapa a châ.