India thyudyu chhithaipa Internet chalyutuhpa Priya Prakash Varrier

Priya Prakash Varrier tahpa moh he na thei beih ma? Thei beih ngyu va chi. Atahmâno ta India dei châ leipa ta chyhsa hluhpi ta Internet liata ama tlua hluh chaipa moh a châ hai.

He actress he Music Video liata â pielyuzie chhôhso pahnie kawpa vâta Internet khizaw chalyusatuhpa a châ hai. A y-âna dâh kho a paoh kawpa vâta nata a mo padei tao thai a ru kawpa vâta Internet khizaw chalyu hai ta, Music Video sâkha liata â pielyuzie ama hmô pasuoa chata chyhsa palôh a pahnie ngaita kaw. He thyudyu chhithai kawpa heta Internet khizaw liata alâluah kawpa Bollywood actress Sunny Leone taihta chhao thei awpa duasu liata â duah hai.

He video liata â pielyuzie vâna heta Priya heta nohkha chhôhta Instagram liata follower 600000 hneipâ ha ta, â kho mâh leipazy cha Kylie Jenner nata Cristiano Ronaldo zy deita ama châ. He dei châ leipa ta, Bollywood Actress-zy hiatliana papôhtuhpa châ thei awpa ta a moh, 'Priya Prakash' tahpa cha Bollywood actress hropa Sunny Leone, Deepika Padukone, Katrina Kaif nata Alia Bhatt-zy hlâta Internet liata tluatuhpa a pazai via.