North Korea ta US ta hriena a chaluah khiahta eimâ chhypalie aw a ta

Seoul, Feb 25 (AFP) North Korea chata atanoh khata US ta North Korea chôta hriena lai chaipa/â hri chaipa ama chaluah aw, tahpa ama phuahpa cha achhy paliepa ta, “He he adyuhna phuahna a châ” a ta.

North Korea Foreign Ministry chata, "Eima vaw reih tyhpa hawhta, he US ta eima chô liata hriena a chaluah awpa he adyuhna phuana a châ" tahpa ta, US ta North Korea chôta a chahrâh kawpa ta â pielyu khiahta cha eimâ chhypalie aw, a tah hra.

Related news

• US ta North Korea chôta hriena lai viapa chaluah heih aw

Chutyh khata US President Donald Trump ta North Korea cha biesakâ nahcharao kawpa vawpa ta, “He hriena heta yzie a hnei heih leipa ta a châ khiahta cha, a  chahrâh viapa ta eimâ pie bâ aw” a vaw tah hapa kha a châ.

He achhypaliepa heta North Korea chata US cha biesakavaw palie hrapa ta, US ta ama chô liata a chahrâh kawpa ta â pielyu khiahta cha eimâ chhypalie hra aw, tahpa ta, "Trump heta a biereipa chahrâh kawpa nata hriena hmâpa ta miah panano awpa achhuah ta, he he North Korea a pahnopasia leizie palâsatuhpa deita a châ" a tah hra.

North Korea Foreign Ministry biepuapa chata, "Atahmâ cha Nuclear chaihrai hnei ha pi ta – US tawhta miah pabohsatuh awpa ryusôhpa eima hnei ha” a tah hra.